“Həm avrokubok təcrübəsi, həm də güc baxımından “Qarabağ” "Həkken"i üstələyəcək”
Cəmi bir neçə saat sonra start götürəcək “Həkken” – “Qarabağ” oyunu ölkəmizdə böyük maraqla gözlənilir.
Mümkün qələbə ağdamlıların qrupdan çıxmaq şansını xeyli artıracaq. “Football-plus.az” bu önəmli oyun ərəfəsində həyatının müəyyən dönəmi İsveçlə sıx bağlı olan İqor Ponomaryovun fikirlərini öyrəndi:
"Həkken” haqqında dərin biliyə sahib deyiləm. Amma nəticələrinə fikir versək, ötən il İsveç çempionu olublar, müntəzəm şəkildə avrokubokda oynayırlar. Buna rəğmən, "Qarabağ" daha təcrübəli və səviyyəli klubdu. Zənnimcə, həm avrokubok təcrübəsi, həm də güc baxımından “Qarabağ” "Həkken"i üstələyəcək. Komandamıza uğurlar arzulayıram".
ABDULLA İSMAYILOĞLU
Digər xəbərlər
