Deyəsən, “Zenit”in uğurunun sirri elə Malkomda imiş.

“Football-plus.az” xəbər verir ki, çünki braziliyalı ulduz ayrılandan bəri əvvəlki “Zenit”dən əsər-əlamət də qalmayıb! Son 5 ilin çempionu məğlubiyyətləri sıralamaqda davam edir. Ötən tur evdə “Lokomotiv”ə uduzan Sankt-Peterburq nəhəngi bu dəfə ortabab “Orenburq”la səfər oyununda artıq 2-ci dəqiqədə hesabı açsa da, hələ fasiləyə qədər 3 qol buraxaraq fiaskoya uğradı. Halbuki “Zenit” çempionat çərçivəsində ardıcıl 472 oyunda ilk yarıda 3 top buraxmamışdı! Sonuncu dəfə bu hal 16 il öncə - 2007-nin martında “Spartak”la oyunda yaşanmışdı. Eyni zamanda 10 tura 17 xal 2011/12-dən bəri piterlilərin ən zəif göstəricisidi. Semakın dönəmində komanda buna qədər 10 tura 21-dən az xal toplamamışdı. Onu da vurğulamaq yerinə düşər ki, ötən mövsüm komanda çempionatda cəmi iki dəfə uduzduğu halda bu mövsüm 10 tura artıq 3 məğlubiyyət qeydə alınıb. Liderlə aradakı xal fərqi isə 7-yə yüksəlib. Semakın “Zenit”i böhrandan necə çıxaracağı maraq doğurur.

Favoritlər ciddi problemlərlə üzləşdiyi bir vaxtda lider “Krasnodar” səssiz-sədasız şəkildə qələbələri sıralamaqda davam edir. Komandanın budəfəki qurbanı “Rubin” oldu. “Krasnodar” həm 10 tura 24 xal toplamaqla, həm də premyer-liqada məğlubiyyətsiz seriyanı 16 oyuna çatdırmaqla (9 qələbə, 7 heç-heçə) şəxsi rekordunu yenilədi. Komandanın 10 tura cəmi 3 top buraxması da diqqəti çəkir. Müstəqil Rusiya çempionatında 10 tura bundan daha az qol buraxılması faktına cəmi 2 dəfə rast gəlinib. Bunu 2010-cu ildə “Rubin” (2 buraxılan qol) və 1992-də Nijni Novqorod “Lokomotiv”i (1) bacarıb. Debütant “Baltika”nı minimal hesabla məğlub edərək 5 oyunluq qələbəsiz seriyaya son qoyan ÇSKA bu mövsüm ilk dəfə qapısını toxunulmaz saxladı. Elə “Lokomotiv”ə də qələbə üçün 1 qol kifayət etdi. “Dəmiryolçular” bu qələbə sayəsində hətta “Zenit”i də geridə qoyaraq 3-cü pilləyə yüksəldilər. Turun əsas sürprizi Samarada qeydə alındı. Tarixinin ən yaxşı mövsümlərindən birini keçirən və tura 2-ci pillədə daxil olan “Krılya Sovetov”un əsl gücünə “Spartak”la oyunda aydınlıq gəlməliydi. Meydan sahibləri tarixi bir performans sərgiləyərək bu mövsümdəki yüksəlişlərinin təsadüfi olmadığını göstərdilər. Gilyermo Abaskalın dönəmində 56-cı rəsmi oyununu keçirən “Spartak” bu məşqçi ilə ən böyükhesablı məğlubiyyətini təkrarladı. Moskva nəhəngi Abaskalın debüt oyununda – ötən ilin iyulunda superkubok uğrunda qarşılaşmada “Zenit”ə də bu hesabla uduzmuşdu.

10-cu tur
Orenburq – Zenit 3:1
Vorobyov, 7. Peres, 25. Mansilya, 36 – Mantuan, 2.
Zenit: Kerjakov, M.Fernandes (Sutormin, 9/Rodriqao, 46), Alip, Yerakoviç, Santos Kruqovoy (İzidor, 46), Vendel, Barrios, Klaudinyo (Yeroxin, 78), Sergeyev, Mantuan.
Krılya Sovetov – Spartak 4:0
Qorşkov, 7; 25. Qarre, 78. Şitov, 90.
Spartak: Maksimenko, Denisov (Ryabçuk, 60), Duarte, Babiç, Xluseviç (Litvinov, 79), Mozes, Martins, Zobnin (Medina, 60), Bonqonda (İqnatov, 79), Promes (Zinkovski, 60), Sobolev.
ÇSKA – Baltika 1:0
Davila, 18.
ÇSKA: Akinfeyev, Kellven, Muxin, Roşa, Qayiç, Zdelar, Aqapov (Nababkin, 12), Oblyakov (Zabolotnı, 89), Fayzullayev, Davila (Kuçayev, 81), Çalov.
Lokomotiv – Nijni Novqorod 1:0
Jemaletdinov, 83.
Lokomotiv: Lantratov, Nenaxov, Morozov, Fasson, Silyanov, Barinov, Karpukas, Samoşnikov (Jemaletdinov, 81), Qluşenkov (Mitay, 87), Pinyaev (Mirançuk, 57), Dzyuba (Süleymanov, 81).
Rubin – Krasnodar 0:2
Kordoba, 24. Olusequn, 86.
Axmat – Dinamo 1:1
Kovaçev, 21 – R.Fernandes, 51.
Rostov – Ural 2:2
Osipenko, 33-p. Vaxaniya, 46 – Şettine, 4. Yeqorıçev, 17.
Fakel – Soçi 2:0
Markov, 43-p. Yakimov, 47.
1. Krasnodar 10 7 3 0 16-3 24
2. Krılya Sovetov 10 6 3 1 25-12 21
3. Lokomotiv 10 5 3 2 16-14 18
4. Zenit 10 5 2 3 20-11 17
5. Spartak 10 5 1 4 14-16 16
6. Dinamo 10 4 4 2 17-15 16
7. ÇSKA 10 4 4 2 20-15 16
8. Ural 10 4 3 3 10-12 15
9. Nijni Novqorod 10 4 2 4 9-9 14
10. Axmat 10 3 3 4 12-11 12
11. Orenburq 10 3 2 5 13-17 11
12. Rostov 10 2 4 4 15-21 10
13. Rubin 10 2 3 5 10-20 9
14. Fakel 10 2 2 6 7-14 8
15. Baltika 10 2 1 7 9-16 7
16. Soçi 10 2 0 8 9-16 6
Bombardirlər: Kassyerra (Zenit) – 8, Çalov (ÇSKA) – 6, Zabolotnı (ÇSKA) – 5.
Növbəti turun oyunları oktyabrın 7-8-də keçiriləcək: Spartak – ÇSKA, Krasnodar – Rostov, Dinamo – Fakel, Axmat – Rubin, Soçi – Zenit, Baltika – Orenburq, Nijni Novqorod – Krılya Sovetov, Ural – Lokomotiv.