"Düşünmürəm ki, "Sabah"ın problemi baş məşqçi amiliylə bağlıdı. Murad Musayev yetərincə təcrübəli və sözünü demiş mütəxəssisdi. Komandanın hazırkı vəziyyəti "Partizan"la cavab görüşündəki məğlubiyyət və mübarizəni dayandırması ilə bağlıdı. Həmin oyundan sonra futbolçular ruh düşkünlüyü yaşayır və toparlana bilmirlər. Futbolçular özünəinamı bərpa etməlidi. Söz yox, Kaşuk, Mikels kimi oyunçuların yoxluğu da təsirsiz ötüşmür. Son iki oyuna fikir versək, Masazır komandası əvvəlki oyun planını bərpa edib. Sadəcə, bəzi futbolçuların fərdi səhvləri və müdafiədəki boşluqlar komandanı qələbə qazanmasına mane olur. Fikirimcə, "bayquşlar" bir qələbə qazanmaqla bütün uğursuzluqları arxada qoyacaqlar".