"Bildiyiniz kimi, rəqib yenidən formalaşmış komandadı Öncəliklə deyim ki, rəqiblərdən qabaq bizim ən əsas rəqibimiz stadionlardı. Başa düşürəm ki, infrastruktur çətinlik yaradır, amma belə stadionlarda oynamaq futbolçuların sağlamlığını ciddi təhlükəyə atır. İlk hissədə komandamız stadiona öyrəşmək üçün xeyli çətinlik çəkdi. İkinci hissədə bəzi əvəzetmələr hesabına təzyiqi daha da artırdıq və rəqibi səhvlərə məcbur etdik. İstədiyimiz oyunla fasilədən sonra qolları vura bildik. Səfərdən qələbəylə ayrıldığımıza görə sevinirik". 

"Əvvəla onu deyim ki, doğma publika önündə oynamamaq işimizi çətinə salır. Saatlı şəhər stadionu futbol sərgiləmək üçün əlverişli deyil. Elə bil yaşıl meydana yox, xizək sürməyə çıxırsan. Futbolçularımız zədə almamaq üçün maksimum ehtiyatlanırdı. Hətta ilk turda da bu stadionda futbolçumuz zədələnmişdi. Buna rəğmən, ilk yarıda istədiyimiz futbolu sərgiləyə bildik. Rəqibi sıxışdırmışdıq. Bircə qol çatmadı. Fasilədən sonra isə hakim qapımıza penalti təyin etdi, rəqib hesabı açdı. Özümüzə gəlməmiş "Şamaxı"nın xeyrinə 2-ci penalti təyin olundu, hesab fərqi artdı. Bundan sonra toparlana bilmədik. Rəqib isə daha bir qol vurmaqla yekun hesabı müəyyənləşdirdi.  Komandamızda hələ də çatışmazlıqlar var. Bir çox oyunçu futbol fəlsəfəmizə və kollektiv oyuna uyğunlaşa bilməyib. Çalışacağıq ki, bu problemi aradan qaldıraq. Bir neçə turdan sonra heyətimizin tam “oturuşacağına” inanırıq".