Şarapova: “Mən həmişə Sinnerə azarkeşlik edirəm”
Dünyanın sabiq 1 nömrəli raketkası Mariya Şarapova bütün gənc tennisçilər arasında italiyalı Yannik Sinnerin oyununu daha çox bəyəndiyini etiraf edib:
“Bilirsizmi, karyeramdakı sonuncu məşqçi bir neçə il Sinnerlə əməkdaşlıq edib. Onunla bir neçə dəfə kortda üz-üzə gəlmişəm. Mən həmişə ona azarkeşlik edirəm. Sadəcə, Yannikin idmana təvazökar yanaşması xoşuma gəlir”.
Rusiyalı ulduz tennisçilərin gənc nəsli haqda da fikirlərini bölüşüb:
“Gənclərin oyununu izləmək xoşuma gəlir. Onların fərqli oyun üslubları, fərqli xarakterləri var, dünyanın müxtəlif ölkələrindən gəliblər, belə rəqabəti izləmək maraqlıdı. Düşünürəm ki, kişi tennisi indi yaxşı səviyyədədi”.
Şarapovanın bəyəndiyi 22 yaşlı Sinner dünyanın 7-ci raketkasıdı. Onun hesabında ATP turnirlərində 9 (8-i fərdi yarışda) var.
Bu arada polşalı tennisçi İqa Sventek gələcəkdə yaşıl ot üzərində, heç olmasa, bir turnir qazanmaq perspektivi haqda danışıb:
“Ot üzərində yaxşı oynamağı öyrənmək üçün mənə daha bir neçə il lazımdı. Mənim 22 yaşım var, odu ki, hələ vaxtım çoxdu, bəlkə də 10 ildən artıq. Qatıldığım hər turniri qazanmaq üçün mümkün olan hər şeyi edirəm. Hadisələri qabaqlamaq istəmirəm. Bu il iki turnirdə iştirakımdan, birində yarımfinala, o birində 1/4 finala qədər irəliləməyimdən razıyam. Bu, böyük addımdı”.
Xatırladaq ki, polşalı Sventek “Böyük dəbilqə” turnirlərində 4 qələbə, 15 WTA titulu qazansa da, hələ də ot üzərində titulu yoxdu.
Digər xəbərlər
