Kriştiano Ronaldo tezliklə doğma klubuna qayıda bilər. “Sportinq” rəhbərliyi “Mançester Yunayted”in ulduz futbolçusunu qış “transfer pəncərəsi”ndə transfer etməyi düşünür.


“Mirrror” qəzetinin məlumatına görə, “Sportinq” portuqaliyalı hücumçu üçün təklif göndərməyə hazırlaşır.

Football-plus.az xəbər verir ki, Portuqaliya klubunun MY-yə Ronaldonun maaşını bölüşməyi təklif edəcəyi gözlənilir. “Sportinq” məvacibin böyük hissəsini ödəməyə hazırdı. Yeri gəlmişkən, bir neçə gün əvvəl Kriştianonun Portuqaliyada 18 milyon avroya villa aldığı bildirilmişdi.

Xatırladaq ki, o, 2002-03-cü illərdə çıxış etdiyi Lissabon klubunun heyətində 31 oyun keçirib, 5 qol vurub və 6 məhsuldar ötürmə verib. Ronaldonun MY ilə müqaviləsinin müddəti 2023-cü ilin yayına qədərdi.