“FİFA agenti olmaq istəyənlər üçün imtahanda bütün şərait yaradılmışdı”
Sentyabrın 20-də FİFA lisenziyası almaq istəyən agentlərin imtahanı keçirildi. Proses AFFA-nın inzibatı binasında baş tutdu.
"Football-plus.az" olaraq, bu imtahanın baş tutması üçün çox çalışdıq. Problemləri işıqlandıraraq həll olunması üçün əlimizdən gələni etdik.
Görəsən, agentlər proses vaxtı hansısa çətinliklə üzləşməyib? İmtahan vaxtı problem olmayıb ki? Ümumiyyətlə, neçə nəfər FIFA agenti olmaq istəyirdi? Suallarımızı AFFA Hüquq departamentinin əməkdaşı və FİFA agentləri ilə bağlı məsul şəxs Nurlan Zeynalzadəyə ünvanladıq. Qurum rəsmisi məsələ ilə bağlı bunları söylədi:
“Sentyabrın 20-də AFFA-nın inzibati binasında imtahan baş tutdu. Hər şey qaydasında idi. İmtahanda FİFA agenti olmaq istəyənlər üçün bütün şərait yaradılmışdı. Onlar lazımi ləvazimatlarla təmin edilmişdi. Say məsələsi məxfidi. İnşallah, cavablar açıqlananda FIFA lisenziyası alanların siyahısını ictimaiyyətə təqdim edəcəyik. Oktyabrın 1-də yeni qaydalar qüvvəyə minəcək. Ona kimi cavablar açıqlanacaq. Kimin necə yazdığı haqda məlumatımız yoxdu. Çünki cavabları FİFA özü yoxlayır. Qurum bizə siyahı göndərəcək. Buna uyğun hər şey bəlli olacaq. Sualların çətinliyi və ya asanlığı barədə nəsə deyə bilmərəm. Amma imtahandan öncə onlar üçün platformada sınaqlar verilmişdi. Ümid edirəm ki, hər şey namizədlər üçün yaxşı olacaq”.
İLKİN SULTANLI
Digər xəbərlər
