“AFFA rəsmisinin verdiyi açıqlama məni qane edə bilməz. Mən qeydiyyatdan keçəndə Gürcüstanı seçmişdim. İndi müəyyən sənədləşmə problemləri çıxıb. Bunları həll edə bilməsəm, Gürcüstana gedə bilməyəcəm. Onların federasiyasına müraciət etdim. Dedim ki, imkan varsa, qeydiyyat ünvanını dəyişim. Onlar da bildirdilər ki, problem yoxdu. Gürcüstan Futbol Federasiyası FİFA-ya müraciət edəcək. Qurum icazə versə, AFFA razılaşsa, Bakıda imtahan verə bilərəm”.

“3 aydan çoxdu tələbələrimizi FİFA agentliyinə hazırlaşdırırıq. Onların böyük qismi Azərbaycanda imtahan verməlidi. AFFA-nın adı orda göstərildiyi üçün qeydiyyatdan keçmişik. Elə bir duruma gəlmişik ki... İmtahana 7 gün qalıb. Federasiya nə vaxtı açıqlayıb, nə də məkanı. Nə də dinləyicilərimizin qeydiyyatdan keçdiyi platformada test imtahanı, materiallar yoxdu. Bu məsələdə FİFA-lıq deyil. Çünki mən və Elcan Həsənli başqa ölkələrdən qeydiyyatdan keçmişik. Ordan bu resursları əldə etmişik. Həmin materiallar olmasaydı, dinləyiciləri hazırlaşdıra bilməyəcəkdik. İndi imtahana az vaxt qalıb, amma ortada heç nə yoxdu. Qəribə durumdu. Gürcüstanda və Türkiyədə eyni proses gedirsə, ödənişlərin belə qəbulu başa çatırsa, bizdə niyə olmur? Mən Nurlan bəyin cavabını bir aydan çoxdu eşidirəm. Ola bilər ki, arada nəsə problem yaranıb. Amma avqustun 31-də FİFA-ya müraciət etdim. Onlar dedilər ki, bu məsələ həll olunacaq. 13 gündən sonra hələ də ortada heç nə yoxdu. Yenidən FİFA-ya müraciət edəcəm. Çünki AFFA-ya müraciətimiz heç bir fayda vermir. Sizinlə danışanda yenə platformaya daxil oldum. Gördüm ki, yenilənmə yoxdu. Bu, qəbulolunmaz faktdı. 3 aydı imtahana hazırlaş, amma ortada heç nə olmasın. Söz şəklində “hər şey nəzarət altındadı” deməklə deyil. Mən şəxsən öz və kursumuz adından FİFA-ya müraciət edəcəm ki, bizə başqa ölkələrdə imtahan verməyə şərait yaratsınlar. AFFA bununla bağlı nəsə etmək istəyirsə, normal açıqlama verilməlidi. Çünki narazılıq və narahatlıq çoxdu”.