“Futbolçularımın yanındayam”
Misli premyer-liqasında 7-ci tur davam edir.
“Football-plus.az” xəbər verir ki, “Səbail” “Araz-Naxçıvan”ı qəbul edib - 1:0. Matçdan sonra qonaqların çalışdırıcısı Azər Bağırovun mətbuat konfransı keçirilib. Sizi onun fikirləri ilə tanış edirik:
“Oyunu izləyənlər gördülər ki, komandamız çox yaxşı futbol oynadı. Nəticəni bu gün qazana bilmədik. Amma heç bir halda heyfslənmək lazım deyil. Vəziyyəti real təhlil edib sabaha baxmaq lazımdı. Futbolçularımın yanındayam. Sevinirəm ki, bu gün çoxlu qol epizodu yarada bildik”.
- Nəticədən başqa nədən narazı qaldız?
- Bəzi epizodlarda tələsirdik. Əsasən də orta xətdə. Bu da futbolçuların təcrübəsizliyindəndi. Matça beş yerli oyunçu ilə başladıq. Elə futbolçulardı ki, çoxdandı premyer-liqada oynamırlar. Bu gün inadkarlıqları ilə seçilirlər, baş məşqçinin dediyini edirlər. İnanıram ki, bir az da üstünə qoyacaqlar.
Digər xəbərlər
