Püşkatmadan dərhal sonra bu kvartetə “ölüm qrupu” adı verildi.
“Football-plus.az” xəbər verir ki, həqiqətən də, bu qrupda bütün komandalar pley-offa adlamaq baxımından tam bərabər olmasa da, bir-birinə yaxın şansa malikdi. ÇL-in son mövsümünün yarımfinalçısı “Milan” qrup mərhələsinə sonuncu dəfə Avropanın əsas klub turnirində 20 il əvvəl görünən “Nyukasl”a qarşı ev oyunu ilə başladı. “Rossonyerlər“in əhval-ruhiyyəsi yerində deyildi. Axı Piolinin komandası ötən şənbə derbidə “İnter”ə biabırçı hesabla uduzmuşdu. Xatırlayırsizsa, “Milan” ÇL-in yarımfinalında da məhz “İnter”lə bacarmamışdı. Odu ki, “rossonyeri” “Nyukasl”a qalib gəlməliydi ki, azarkeşlərinə şənbə biabarçılığını unutdura bilsin.
Püşk bu komandaları eyni qrupa salanda azarkeşlər dərhal Tonalini də xatırlamışdı. İş ondadı ki, “Milan” yayda aparıcı yarımmüdafiəçisini məhz “sağsağanlar”a 60 milyon avrodan baha satmışdı. Hər kəs səbirsizliklə onun “San-Siro”ya dönüşünü gözləyirdi. “Brentford”la çempionat oyununu buraxan Sandro heyətə dönmüşdü. Əvəzində Hau zədəli Kraft, Uillok və Joelintonun xidmətindən məhrum idi. Meydan sahiblərinin lazaretində isə Kalulu ilə Bennaser “yatmışdı”.
Heç şübhəsiz, “Milan” qolsuz heç-heçəyə görə bəxtdən gileylənəcək və italiyalıları anlamaq olar. Piolinin komandası ilk yarını çox yaxşı keçirdi. Meydanda dominantlıq edən “qırmızı-qaralar” Poupun qoruduğu qapıya 15 zərbə vurdu, 7 dəfə “çərçivə”yə düşdü ki, bu da “Milan” üçün ÇL-də klub rekordudu. Ancaq meydan sahibləri belə əzici üstünlüyü maddiləşdirə bilmədi. Bəzi məqamlarda hücumların son mərhələsində soyuqqanlıq çatmadı, bəzi hallarda da qonaqları Poup xilas etdi. “Sağsağanlar” ilk yarıda çox çəkingən oynadılar, heç cür həyəcanlarını boğa bilmədilər. 2-ci hissədə oyunun xarakteri dəyişdi. “Nyukasl” təşəbbüsü ələ keçirməsə də belə, daha çox hücum etməyə başladı. Üstəlik qonaqlar müdafiədə də artıq etibarlı görünürdü. Pioli dəyişikliklər hesabına əvvəlki hücum gücünü qaytarmağa çalışsa da, rəqib qapısına yol tapa bilmədi. Bundan başqa, oyunun sonunda “Milan” daha bir xoşagəlməz hadisə ilə üzləşdi. Zədələnən Menyan meydanı vaxtından əvvəl tərk etdi. İtaliya klubunun azarkeşlərinə fransalı qapıçının uzun müddətə sıradan çıxmaması üçün dua etmək qalır. Beləliklə, “rossonyeri” derbidəki məğlubiyyətə görə bəraət ala bilmədi. “Nyukasl” isə səfər heç-heçəsindən razı qalmalıdı. Özü də bu 1 xal rəqibin aşkar üstün olduğu oyunda qazanılıb. Bu başqa məsələ ki, “sağsağanlar” belə oyun fonunda “Borussiya” və PSJ ilə duellərdə heç nəyə ümid edə bilməz.
Qrupun digər oyununda “Borussiya”nı məğlub edən PSJ elə ilk turdan sonra liderliyi ələ keçirdi. Yalnız oyunun əvvəlində meydanda bərabər mübarizə getdi. Ancaq sonradan topu ələ keçirən PSJ rəqib qapısı önündə oyun qurmağa başladı. Dortmunduların müdafiəsini yalnız 2-ci hissədə yarmaq mümkün oldu. Mbappenin zərbəsindən sonra top Zyulenin əlinə dəydiyindən hakim “nöqtə”ni göstərdi.
“Zərərçəkən” zərbəni dəqiq yerinə yetirdi. Qonaqlar özünə gəlməmiş Hakimi 2-ci qolu da vurdu. Və yalnız bundan sonra parislilər əks-hücum taktikasına keçdi, dortmundular təzyiq göstərməyə başladı. Düzdü, bu təzyiq hesabın dəyişməsinə gətirib çıxarmadı.
F qrupu
Milan – Nyukasl 0:0
Milan (İtaliya): Menyan (Sportyello, 80), Kalabriya (Florentsi, 46), Tiav, Tomori, Ernandes, Loftus-Çik (Musa, 72), Kruniç, Pobeqa (Reynders, 61), Çukvueze (Pulişiç, 61), Jiru, Leao.
Nyukasl (İngiltərə): Poup, Trippyer, Şer, Botman, Bern, Lonqstaff, Gimarayns, Tonali (Anderson, 72), Merfi (Uilson, 63), İsak (Barns, 90+1), Qordon (Almiron, 63).
Vərəqələr: Kalabriya, 40. Şer, 49. Musa, 82. Jiru, 83. Kruniç, 89 – sarı.
Hakim: Xose Mariya Sançes Martines (İspaniya).
19 sentyabr. Milan. 65695 tamaşaçı.
oyunun statistikası
25 (8) qapıya (“çərçivə”yə) zərbə 6 (1)
6 künc zərbəsi 1
4 ofsayd 3
16 qayda pozuntusu 13
4 (0) sarı (qırmızı) vərəqə 1 (0)
54 topa sahibolma (faizlə) 46
PSJ – Borussiya D 2:0 (0:0)
PSJ (Paris, Fransa): Donnarumma, Hakimi, Markinyos, Şkrinyar, Ernandes (Pereyra, 88), Zair-Emeri, Uqarte, Vitinya (Li Kan İn, 80), Dembele, Kolo Muani (Ramus, 80), Mbappe.
Borussiya (Dortmund, Almaniya): Kobel, Zyule, Hummles, Şlotterbek, Volf (Bensebayni, 76), Can (Baynou-Gittens, 76), Ryuyerson, Brandt (Roys, 62), Zabitser (Nmeça, 14), Malen (Füllkruq, 62), Adeyemi.
Qollar: Mbappe, 49-p. (1:0). Hakimi, 58 (2:0).
Vərəqələr: Şlotterbek, 66. Can, 67. Ryuyerson, 89 – sarı.
Hakim: Xesus Xil Mansano (İspaniya).
19 sentyabr. Paris. 47379 tamaşaçı.
oyunun statistikası
17 (2) qapıya (“çərçivə”yə) zərbə 13 (1)
10 künc zərbəsi 7
3 ofsayd 3
8 qayda pozuntusu 10
0 (0) sarı (qırmızı) vərəqə 3 (0)
65 topa sahibolma (faizlə) 35
4 oktyabr: Borussiya D – Milan, Nyukasl – PSJ.