İtaliya çempionatının 4-cü turunun mərkəzi oyunu Milanda keçirilib.

"Football-plus.az" xəbər verir ki, şənbə günü şəhər derbisində “İnter” “Milan”a 5:1 hesabı ilə qalib gəlib. “Milan” tarixdə ilk dəfə derbidə ardıcıl 5-ci dəfə məğlub olub. “İnter” əzəli rəqibinə bu il yanvarın 18-dən başlayaraq İtaliya Superkubokunda 3:0, A seriyasında 1:0, Çempionlar Liqasında isə 2:0 və 1:0 hesablarıyla qalib gəlmişdi.

“Qara-göylər” sonuncu dəfə “qırmızı-qaralar”a 4 top fərqi ilə 2009-cu ilin avqustunda qalib gəlmişdilər. “İnter”in əzəli rəqibinin qapısından sonuncu dəfə 5 topu 1974-cü ilin martında (5:1) keçirdiyini də qeyd edək.