“Sona kimi mübarizə apardıq. Axırda haqlı olduğumuz üzə çıxdı. Oyunçuların Statusu və Transferi Komitəsi məni haqlı hesab etmişdi. Lakin AFFA Arbitraj Tribunalı həmin qərarı ləğv etdi. Bu, gülməli durum idi. AFFA-nın ayrı-ayrı komitələri bir-birinə zidd qərarlar verdi. Mən sonradan öyrəndim ki, bu, absurd qərardı. Başqa cür addım ata bilərdilər. Tutaq ki, mən 5 ayın maaşını tələb etmişdim. Sonradan 1 aylıq ödənişimi etmişdilər. İş-işdən keçəndən sonra. Oyunçuların Statusu və Transferi Komitəsi 4 aylıq maaşımı ödəməli olduğumu söyləmişdi. Heç olmasa, AFFA Arbitraj Tribunalı 3 aylıq ödəniş etməli olduğunu söyləməli idi. Hətta 2 aya qədər endirə bilərdilər. Lakin ləğv edə bilməzdilər. Xeyirlisi belə imiş. Mən AFFA-dan şikayətçi olmamışdım. Əlimdə Oyunçuların Statusu və Transferi Komitəsinin qərarı var idi. Onu təqdim etmişdim İAM-a. Onlayn görüş oldu. İngilis vəkillərimlə “Sumqayıt” nümayəndələri dinlənildi. Daha sonra hakim qərar verdi. Beləliklə, məsələ həllini tapdı”.

“Qərarda göstərilib ki, quruma məhkəmə işi ilə bağlı ödəniş etməliyəm. Yəni mən prosesin məbləğinin 30, “Sumqayıt” isə 70 faizini ödəməlidi. Prosesdən öncə mən İAM-a hüquqi yardım üçün müraciət etmişdim. Bunu təmin edə də bilərdilər, etməyə də. Məndə qəbul etmişdilər. Vəkillərim-filan hamısı pulsuz başa gəldi. Bu səbəbdən də İAM-a hansısa ödəniş etməyəcəm”.