Oktyabrın 5-də basketbol üzrə Avroliqada yeni mövsüm start görürəcək.

"Football-plus.az" xəbər verir ki, turnirə qatılacaq 18 komanda heyətini gücləndirməklə məşğuldu.

Vaxtaşırı Avroliqa klublarının transfer xəbərlərini çatdırmışıq. “Srvena Zvezda” rəsmi saytı vasitəsi ilə azad agent statusuna malik Nemanya Byelitsanın transferini açıqlayıb. Düzdü, müqavilə müddəti haqda bilgi yoxdu. 35 yaşlı oyunçu tibbi baxışdan da keçib və artıq komandaya qoşulub. Byelitsa vaxtilə, yəni 2008-10-cu illər aralığında da Belqrad klubunun şərəfini qoruyub. Onun sonuncu klubu yaxınlarda tərk etdiyi “Fənərbaxça” olub. Avroliqanın ötən mövsümündə cəmi 7 oyun keçirən Nemanya orta hesabla 2,7 xal toplayıb. Ədalət naminə onun mövsümün böyük hissəsini zədə üzündən boşa verdiyini də vurğulayaq.

“Bavariya” da transfer bazarında fəaldı. Münhen klubu mərkəz oyunçusu Serj İbaka ilə birillik müqavilə bağlamaq ərəfəsindədi. Yayda “İndiana” ilə yollarını ayıran 33 yaşlı ispaniyalı azad agentdi. O, son 14 mövsümdə MBA-da çıxış edib, 2019-ci ildə “İndiana”nın heyətində çempion olub. MBA-nın son mövsümündə 16 oyun keçirən İbaka 4,1 xal və 2,8 ribaund göstəricisi ilə yadda qalıb.