Türkiyəni Çempionlar Liqasında daha yaxşı təmsil etmək məqsədi ilə bu yay heyətini önəmli əcnəbi futbolçularla gücləndirən ''Qalatasaray'' yerli oyunçularla isə bir-bir vidalaşmaqda davam edir.

“Football-plus.az” xəbər verir ki, ''8+3'' limitinin davam etdiyi mövsümün əvvəlində İstanbul nəhəngi Emin Bayramı ''Vesterlo''ya, Yunus Akgünü ''Lester''ə, Berkan Kutlunu ''Cenoa''ya birillik icarəyə göndərdi. Halbuki baş məşqçi Okan Buruk Yunus ilə Berkanın ayrılmasını istəmirdi. Əsas komandada rəqabət ən üst səviyyədə olduğu üçün ''Cim-Bom'' ''altyapı''dakı oyunçuları da icarəyə göndərməyə, ya da yollarını ayırmağa məcburdu. 20 yaşlı Baran Aksakanın 1-ci liqa təmsilçisi ''Şanlıurfaspor''a, 18 yaşlı Həmzə Akmanın isə ''Çaykur Rizəspor''a birillik icarəyə veriləcəyi məlum olub.

''Altyapı''da bu günlərdə daha bir mühüm hadisə baş verdi. Uzun müddətdi ''Qalatasaray''ın aşağı yaş qruplarından ibarət komandalarında top qovan istedadlı qırğızıstanlı yarımmüdafiəçi Beknaz Almazbekovla peşəkar müqavilə imzalanmadı. Bu futbolçu sərbəst buraxıldı. Almazbekovdan başqa son illərdə akademiyada yetişən Mustafa Kapı, Əmir Tintiş və Bartuğ Elmaz kimi istedadlı futbolçular da müxtəlif səbəblər üzündən ''Qalatasaray''ı tərk etmişdi.

Əli