“Problemlə tanışam. Ümid edirəm ki, ayın 20-nə kimi bu məsələ həllini tapacaq. Burda günahkarın AFFA və ya FİFA-nın olduğunu axtarmaq düzgün olmayacaq. Çünki bu problem iki qurum arasında olan münasibətlərdən qaynaqlanır. Kor-kor kimisə ittiham və ya müdafiə etmək mümkün olmayacaq. Bir az dərinə getsək, güman ki, bu AFFA-dakı müəyyən texniki problemlərlə bağlıdı. Yəqin ki, bu, imtahan və keçrilmə qaydaları ilə düzgün tanış olmamaqdan qaynaqlanır. Loru dildə desək, FİFA-nı Paşinyan idarə etmir ki, bütün problemlər bizim başımıza gəlsin. Əvvəl agentlər qeydiyyatdan keçə bilmirdi. İndi bu məsələ həll olunub. O zaman AFFA ilə bu məsələni həll etməyə çalışdıq. Yekunda bu problem aradan qaldırıldı. İndi mənlə bərabər bir çox agent qeydiyyatdan keçiblər. Yəqin ki, imtahanım keçirilməsi üçün AFFA əlavə intiyazları ala bilmir. Bu, iki qurum arasında yaşanan məsələdi. Mənə qəribə gələr ki, bu problem FİFA-dan qaynaqlansın və hər dəfə belə şeylər AFFA-nın başına gəlsin”.

“Çox güman, AFFA-nın da müəyyən nöqsanları var ki, bu problem hər dəfə onun başına gəlir. Ümid edirəm ki, məsələ tezliklə həllini tapacaq və imtahanda iştirak etmək istəyənlər məqsədlərinə çatacaqlar. Mən də bura hazırlaşıram. Bilirsiz ki, mən 2010-cu ildən agentlik fəaliyyəti ilə məşğulam. Hətta FİFA lisenziyam da olub. Sonradan vasitəçilik fəaliyyəti ortaya çıxdı. Burda da lisenziya verilirdi. Qeydiyyata düşmək istəyəndə federasiya qeyri-adi şeylər tələb edirdi. Onda da AFFA-nın işinə absurd yanaşma var idi. Mənə deyirdilər ki, siz futbolçu tapın, onunla müqavilə imzalayın, sonra sizin müqaviləni qeydiyyata alaq. Həmin vaxt mənim federasiya ilə ciddi mübahisələrim oldu. Mən də isbat etməyə çalışdırdım ki, əvvəlcə bu fəaliyyətlə məşğul olmaq üçün icazəm olmalıdı. Mən qeydiyyata düşməliyəm. Göstərməliyəm ki, vasitəçi kimi işləməyə icazəm var. Bundan sonra futbolçularla görüşərək kimisə təmsil etmək hüququna yiyələnə bilərəm. Bu səpkidə anlaşılmazlıq oldu. Sonda mən vasitəçi kimi AFFA-da qeydiyyatdan keçmədim. Bu da mənə indi problem yaradır. Çünki FİFA yenidən agentlik fəaliyyətini bərpa etdi. İndi həm vasitəçi, həm də agent kimi qeydiyyatı olan şəxslərə imtahansız lisenziya təqdim edir. İndi isə gərək imtahan verəm. AFFA sağ olsun! Bu qədər sadə. Federasiyanın nöqsanları haqda danışmağı sevmirəm. Ciddi problemlər olan yerdə mən də istəmirəm ki, agent məsələlərini də qabardım. AFFA-nın ciddi nöqsanları var. Bunların üzərində bir xeyli işləməlidi ki, futbol ailəsinə daxil olan bütün üzvlərini müəyyən mənada qane edə bilsin. Araşdırsaq, görərik ki, dünyada ən bərbad durumda olan elə bizim agentlərdi. Məsələn, imtahan materiallarını Azərbaycan dilində hazırlamaq olar. Bu başqa məsələ ki, imtahan FİFA-nın rəsmi 4 dilindən birində olur. Amma AFFA futbolçuların statusu və transferinə aid nizamnamələri tərcümə etməlidi. Bunlar varmı? Eynilə Azərbaycanın agentliklə bağlı öz nizamnaməsi olmalıdı. Amma yoxdu. İmtahan keçirilsə, gedib iştirak edəcəm. Keçirilməsə də, təəccüblənməyəcəm. Güman ki, növbəti imtahanı Gürcüstanda, Türkiyədə və ya İranda verərəm. Amma yaxşı olar ki, AFFA bu işin üzərində ciddi işləsin və nöqsanları aradan qaldırsın”.