Sentyabrın 12-də “Dalğa Arena”da keçiriləcək Azərbaycan – İordaniya beynəlxalq yoldaşlıq oyununu idarə edəcək hakimlər müəyyənləşib.

“Football-plus.az” xəbər verir ki, Bakı vaxtı ilə saat 20.00-da başlayacaq və “CBC Sport” televiziya kanalı vasitəsilə canlı yayımlanacaq qarşılaşmanı Türkiyədən olan hakimlər briqadası idarə edəcək. Matçın baş hakimi Arda Kardeşlər olacaq. Ona Ceyhun Sesigüzel və İbrahim Çağlar Uyarcan köməklik göstərəcək. Matçın dördüncü hakimi funksiyasını Tural Qurbanov yerinə yetirəcək.