"Neftçi", "Zirə" və "Qəbələ"nin UEFA Konfrans Liqasının 2-ci təsnifat mərhələsinin ilk oyunları üçün təyinatlar açıqlanıb.

"Football-plus.az" xəbər verir ki, flaqmanın Cənubi Kipr "Aris"i ilə səfər oyununu Xorvatiyadan olan hakimlər briqadası idarə edəcək. Matçın baş hakimi İvan Bebek olacaq. Ona yan xətt hakimləri Qoran Pataki və Luka Payiç kömək edəcəklər. Dördüncü hakim funksiyasını Dario Bel yerinə yettrəcək.

"Qırmızı-qaralar"ın Macarıstanda "Fehervar"a qarşı keçirəcəyi ilk matç İsveçdən olan hakimlər briqadası idarə edəcək. Referi Kaspar Syöberq olacaq. Ona Maks Robin Vild və Andreas Svensson kömək edəcək. Dördüncü hakim funksiyasını isə Qranit Maqedonçi yerinə yetirəcək.

"Zirə"nin Bakıda İsrail "Makkabi"sinə (Tel-Əviv) qarşı görüşünü İrlandiyadan olan referilər idarə edəcək. Baş hakim Rob Hennessi olacaq. Ona Emmett Dinan və Dermot Broqto kömək edəcəklər. Dördüncü hakim funksiyasını Oliver Moran yerinə yetirəcək.