Azərbaycan millisinin noyabrın 20-də Şimali Makedoniyaya qarşı keçirəcəyi yoldaşlıq oyununun təyinatları açıqlanıb.

"Football-plus.az" UEFA-nın saytına istinadən xəbər verir ki, görüşü Albaniyadan olan hakimlər briqadası idarə edəcək.

Matçın baş hakimi Enea Yorqyi olacaq. Ona yan xətt hakimləri İlir Tartaray və Doyando Miftari kömək edəcəklər. Dördüncü hakim funksiyasını isə makedoniyalı Yovan Kaçevski yerinə yetirəcək.

Görüş saat 17.00-da başlayacaq.

Qeyd edək ki, millimiz bu gün ilk sınaq matçında Moldova ilə qarşılaşacaq. Oyun saat 21.00-da start götürəcək.