“Millimizi çox çətin oyun gözləyir. Düzdü, rəqibin də heyəti yenilənib və itkiləri var. Buna baxmayaraq, belçikalIlar üstündü. Futbolda hər şey baş verir. Millimizin xal qazanacağına ümid etmək olar. Bizim futbolçular da bu gün təslim olmayacaqlar. İnşallah, azarkeşlərimizi sevindirəcək nəticə qazanarıq. Belçika yığmasının gücü və heyətindəki oyunçuların səviyyəsi hamıya bəllidi. Artıq nəsə deməyə ehtiyac yoxdu. Bizi çox çətin matç gözləyir. Bircə üstünlüyümüz o ola bilər ki, hazırda Belçika yığmasında gəncləşdirmə gedir. Bəlkə bunun hesabına nəyəsə ümid etmək olar. Digər tərəfdən, belçikalı gənclər də özlərini yaxşı tərəfdən göstərmək üçün meydanda maksimum can qoyacaq. Millimizə uğurlar arzulayıb, yaxşı nəticəyə köklənməkdən başqa çarəmiz yoxdu". 

“Əvvəlcə bu oyunda millimizə uğurlar arzulayıram. Belçika ilə matç çox çətin olacaq. Doğma meydanda oynayırıq və azarkeşlərin dəstəyi bizim futbolçulara güc verməlidi. Nəticə haqda nəsə demək çətindi, çünki qrupda keçirdiyimiz əvvəlki görüşlərdə yaxşı nəticələr qazanmamışıq. Yalnız Estoniyaya qarşı heç-heçəmiz var. Uğur qazanmaq istəyirsə, yığmadakı futbolçuların milli ruhu olmalıdı. Milli ruh nə qədər az olacaqsa, uğur gözləmək bir o qədər də çətindi”.

“Belçikadan Bakıda 1 xal almışıq. Lakin onlar dünya futbolunun sayılıb-seçilən komandalarından biridi. Heyətindəki oyunçuların bəziləri məşhur klublarda çıxış edir. Belə kollektivə qarşı oynamaq bizim futbolçular üçün də motivasiya olmalıdı. Çox çətin görüş olacaq. İtirəcəyimiz bir şey yoxdu. Artıq qrupda uda biləcəyimiz rəqiblərə də qalib gələ bilməmişik. Bu oyunda məğlub olsaq da, bizi asan-kəsən olmayacaq. Ancaq ağıllı futbol oynasaq, topu rəqibə çox verməsək, yaxşı nətiəcə əldə edə bilərik. Bu qarşlışamada 1 xal qazansaq, bizim üçün böyük uğur olar. Bu futboldu və hər şey gözləmək olar. İnşallah, yığma xalqımızı sevindirər”.

“Güclü rəqibə qarşı oynayacağıq və maraqlı görüş olacaq. Həmişə istəyimiz odu ki, İngiltərə, Almaniya və bu gün qarşılaşacağımız Belçika kimi komandalarla oyunda onların futbolçularından təcrübə qazanaq. 2011-ci ildə ulduzlar toplusu Belçika ilə Bakıdakı oyunda Rauf Əliyevin qolu ilə 1 xal qazanmışdıq. Həmin matçda mən özüm də yaxşı performans göstərmişdim. O vaxt nəticələrimizlə Tofiq Bəhramov adına stadionu tam doldururduq. İndi baxın, yığmanın oyunlarında kiçik arenalar belə dolmur. Xalqımızın futbol sevgisini qaytarmaq üçün əzmkar mübarizə aparmalı, uğurlu nəticə qazanmalıyıq. Düzdü, nəticədən aslı olmayaraq, bu bizim millimizdi, lakin istəkli və mübariz olacaqları halda azarkeşlər də futbolçularımızı alqışlayacaq”.