“Bəli, mən, idman direktoru Marat Salyanski, baş məşqçi Vitali Borisov, köməkçi məşqçi Predraq Raiç və qapıçı məşqçisi Zoran Rakiçeviçin iştirakıyla klubdaxili iclas keçirildi. Müzakirələr apardıq. Yekunda “Araz-Naxçıvan”ın parlaq gələcəyini kölgə altına atmamaq məqsədilə ciddi tədbirlər görüldü. Ümumi məxrəcə gəldik ki, məşqçilər korpusu başda olmaqla hər kəsin bu işdə günahı var. İlk iki matçda düzgün idarəçilik olubsa, həlledici məqamda kobud taktiki səhvlərə yol verilib. Bununla bağlı məşqçilər korpusuna xəbərdarlıq edildi. Səhvlərini aradan qaldırmaq üçün çalışacaqlar. Bir matç üzündən mövsüm ərzində çəkilən əziyyət boşa çıxdlı. Bir il itirdik. Düzü, qarşıdan futzal millimizin və çempionatın matçları gəldiyindən çox incitmək, fikirlərini qarışdırmaq istəmədik. Amma onlara son şans verildi. Növbəti matçlar üçün “Araz-Naxçıvan”ın qarşısına çox ciddi hədəflər qoyuldu. Öncəliyimiz komandadaxili nizam-intizamın düzgün qurulmasıdı və çempionatın qalibi olmaqdı. İkinci hədəf isə növbəti mövsüm Çempionlar Liqasında ilkin və əsas mərhələni adlamaq olacaq. Futzalçılara gəlincə, sonuncu matçda zəif çıxış edərək kobud səhvlərə yol verdiklərinə görə Xətai Bağırovla İsa Atayevə şiddətli töhmət verildi. İki oyunçu ilə vidalaşmaq qərarı aldıq. Bunlar qapıçı Luka Pavloviç və Lazar Milosavlyeviçdi (hər ikisi yay fasiləsində heyətə cəlb edilmişdi – red.). Hələ ki yola qalan heyətlə davam edəcəyik. Hazırda 12 futzalçımız var. Millimizin matçından sonra 1-2 transfer həyata keçirəcəyik. Komandanın əsas hədəflər üçün formalaşdırılması prosesinə isə dekabr-yanvar aylarında vaxt ayırmaq fikrimiz var”.