Portuqaliya çempionatında qalmaqal baş verib.

"Football-plus.az" xəbər verir ki, “Portu” rəhbərliyi 4-cü turun “Aroka” ilə ev oyununun nəticəsinin ləğvi tələbi ilə yerli futbol liqasına müraciət edib. Buna hakim Migel Noqeyranın VAR hakimləri ilə telefonla danışandan sonra qonaqların qapısına təyin etdiyi penaltini ləğv etməsi səbəb olub.

“Portu” penalti vurmaq hüququnu 90-cı dəqiqədə qazanıb. VAR arbitrləri epizodu izləmək üçün Noqeyrnanı monitora çağırıb, lakin o, texniki problemlərə görə görüntünü izləyə bilməyib. Uzun fasilədən sonra VAR otağındakı həmkarları ilə əlaqə saxlamaq üçün hakimə mobil telefon verilib. O, telefonla danışdıqdan sonra penaltini ləğv edib. “Portu” rəhbərliyi mobil telefonla əlaqənin turnirin reqlamentinə zidd olduğunu əsas gətirərək, oyunun nəticəsinin ləğvini tələb edir.

“Portu” – “Aroka” matçı 1:1 hesabı ilə başa çatıb. Ev sahibləri məğlubiyyətdən Evanilsonun 90+19-cu dəqiqədə vurduğu qolla qaça biliblər. Serjio Konseysaonun çalışdırdığı komanda 4 turdan sonra primeyrada 10 xal toplayıb. “Portu” eyni xala malik olan “Boavişta” və “Sportinq”lə birlikdə liqada şərikli liderlik edir.