Misli premyer-liqasının 5-ci turunda "Neftçi" səfərdə "Sumqayıt"a 1:0 hesablı ilə qalib gəldi.

Bu oyunu izləyənlər arasında "ağ-qaralar"ın azarkeşi, tanınmış bloger Fuad İsgəndərov da var idi. Qarşılaşmadan sonra gənc aktyor "Football-plus.az"ın suallarını cavabladı.

- Bu gün doğma komandan 'Sumqayıt"a qalib gəldi.
- Hamı bilir ki, mən "Neftçi" azarkeşiyəm. Bu gün də komandamızı tək qoymadıq və sona kimi dəstək olduq. "Sumqayıt"la oyun çətin keçdi. Rəqibin bir neçə təhlükəli epizodu da oldu. Sanki bu gün "Neftçi" meydanda azlıqda oynayırmış kimi mübarizə aparırdı. Lakin şükürlər olsun ki, sonda qalib gələn biz olduq. Doğma komandamı təbrik edirəm.

- "Neftçi" bu mövsüm çempion ola bilərmi?
- Düzdü, komanda çempionata uğurlu başlamayıb. Lakin mövsümün bitməsinə çox var. İnşallah, sonda biz çempion olarıq.

- Yığmalara görə yaranan fasilədən sonra "Neftçi" "Araz-Naxçıvan"la oynayacaq. Bu oyundan nə gözləyirsən?
- "Araz-Naxçıvan" da yeni komandadı. İnşallah, nəticə "Neftçi" üçün xeyirli olar.

CAVİD ƏLİYEV