“Milan” onu icarəyə verdi

Aleksis Salemakers “Milan”dan ayrılıb.

“Football-plus.az” xəbər verir ki, İtaliya klubu futbolçunu icarəyə verib. 24 yaşlı vinger karyerasını “Bolonya”da davam etdirəcək. Aleksislə bağlanan müqavilənin müddəti mövsümün sonunadək nəzərdə tutulub. “Bolonya” belçikalı futbolçu üçün “Milan”a 500 min avro ödəyib. Sözləşməyə birdəfəlik satın ala bilmə ilə bağlı bənd də daxildi. “Bolonya” 10 milyon avro ödəyərək futbolçunun transfer hüququna yiyələnə bilər.

“Milan” Salemakersi 2020-ci ilin yanvarında “Anderlext”dən transfer edib. O, komandada 140 matçda meydana çıxıb, 10 qol vurub və 14 məhsuldar ötürmə edib.