Fredrik Midtşö və Serxio Oliveyra ilə yollarını ayırmağa hazırlaşan ''Qalatasaray'' yarımmüdafiənin mərkəzinə bir dünya ulduzu, bir də istedadlı gənc oyunçu transfer etmək istəyir.

"Football-plus.az" xəbər verir ki, ikinci kriteriyaya uyğun gələn futbolçu artıq tapılıb.

Bilindiyi kimi ''Cim-Bom'' ''Molde''ni mübarizədən kənarlaşdıraraq Çempion Liqasının qrup mərhələsinə vəsiqə qazandı. Norveç çempionunun heyətində bir futbolçu hər iki qarşılaşmada ''sarı-qırmızılar''ın çalışdırıcısı Okan Burukun diqqətini çəkməyi bacarıb. Söhbət Emil Breyvikdən gedir.

Artıq 23 yaşlı futbolçunun transferi ilə bağlı danışıqlara start verilib. Breyvikin meneceri Cim Solbakken də bu faktı təsdiqləyib. Bu transfer baş tutsa, Breyvik ilk dəfə legioner həyatı yaşayacaq. ''Molde''nin yetirməsi olan və 2019-20-ci illəri ''Raufoss''da icarə əsasında keçirən bu futbolçu ''Qalatasaray''a qarşı ilk oyunda 90, 2-ci oyunda 76 dəqiqə meydanda oldu. İstanbuldakı cavab matçında ilk yarının sonlarında Breyvikin qusması diqqət çəkmişdi. O, yalnız həkimlərin köməyi ilə oyunu davam etdirmişdi. 2000-ci il təvəllüdlü futbolçu ötən mövsümün startından bu yana ''Molde''nin heyətində 69 rəsmi oyuna 13 qol vurub.

ƏLİ