Misli premyer-liqasında 4-cü tura yekun vurulur.

“Football-plus.az” xəbər verir ki, “Neftçi” “Qəbələ”ni qəbul edib - 2:0. Oyundan sonra qonaqların çalışdırıcısı Elmar Baxşıyevin mətbuat konfransı keçirilib. Sizi mütəxəssisin fikirləri ilə tanış edirik:

- Kristof Atanqana 4 oyunda 11 qol buraxıb, səhvləri də görünür. Qarşıdakı matçlardan yerli qapıçılara şans verməyi düşünürsüz?
- Siz qolu görüb danışırsız, mən ətraflı dəyərlənidirərəm. Kristof Atanqana kimi digər mövqelərin oyunçuları səhv edir ki, rəqib qol vurur. Rəşad Əzizli bizə zədəli gəlib. Qolu sınmışdı. Onu zədəli-zədəli götürüb bərpa etmişik. İnanmasaydıq, bizimlə olmazdı. O da şans qazanacaq. Onun qapıda olmamasının səbəbi bərpa olunmaması ilə bağlıdı.

- Dörd turdu ki, xala həsrətsiz. Bu, sizin komandada gələcək karyeranıza nə dərəcədə təsir edir?
- Bu il müqavilə bağlasaydım, deyərdim komandada yeniyəm. Amma yeni deyiləm. Burada futbolçu kimi karyeramı bitirmişəm, uğurlar qazanmışam. Özüm özümü bura təyin etməmişəm. Güvənən insanlar var. "Qəbələ"nin xeyrinə olacaqsa, mən burda heç nədən yapışmamışam. Qaçmaq fikrində də deyiləm. Toparlanmaq lazımdı. Komanda bəzi epizodlarda göstərir ki, futbol bacarığı yaxşı səviyyədədi.

- Heyəti dəyişmisiz deyə nəticələr belədi, yoxsa gələnlər gedənlər qədər keyfiyyətli deyil?
- Bunu keyfiyyətlə bağlamazdım. Gedənləri nəzərə alsaq, üç ilin komandasıydıq. Oyunçular bir-birinə adaptasiya olmuşdu. Bu futbolçulara inanıb dəvət etmişik. Komanda şəklində daha yaxşı olmağa cəhd etmək lazımdı.

- Maliyyə transfer etməyə imkan vermir? Transferlər sizin üçün bitdi?
- Elə sual verirsiz ki, iki tərəfli cavabı var. Əlbəttə, maliyyə daha dayanıqlı olsaydı, həmin futbolçular qalardı. Gedənin yerini doldurmaq çətin olur. Ümidsiz deyilik. Mövqelər var ki, daha çox oyunçu lazımdı. Çempionatımızın ən çox top buraxan, ən az qol vuran komandasıyıq. Mövqelər var ki, güclənmək vacibdi. Gözləyirik.

- Bu nəticəyə baxanda istefa haqda düşünürsüz?
- Hər bir qərara açığam. Düşünürlərsə, "Qəbələ" üçün daha yaxşı olacaqsa, mənimlə danışığa gedə bilərlər.

- Əsas komandadan fərqli olaraq, əvəzediciləriniz çempionatında liderdi. Oradakı uşaqlara şans vermək olmaz?
- Gəlin səmimi olaq, finaldan sonra hamı Kristof Atanqanadan danışırdı. Məğlubiyyətlərdə o günahkar deyil. Cavanlar həmin yükü qaldırmağa qadir olmadı ki, şans verək. Əvəzedicilər liqası ilə premyer-liqa arasında böyük fərq var. Mehrac Baxşalı o siqnalı verir deyə, meydana buraxırıq. Başqalarında belə deyil deyə, indiki oyunçular oynayır.