"Komanda oyun planında yaxşıdı" - Elmar Baxşıyev
Misli premyer-liqasında 24-cü turun oyunları keçirilir.
"Qəbələ" "Səbail"in qonağı olub - 2:2. Matçdan sonra qonaqların çalışdırıcısı Elmar Baxşıyevin mətbuat konfransı keçirilib:
“Ağır oyun olacağını bilirdik. Çünki heyətimizdə itkilər var idi. Komanda şəklində həmin boşluqları doldura bildik. Maraqlı, dinamik matç alındı. Hər iki komanda qələbəyə layiq idi. Yolumuza davam edəcəyik. Komanda oyun planında yaxşıdı. Futbolçulara təşəkkür edirəm. Onlar düşündüyümüzü meydanda verməyə çalışırdılar. Bu gün qələbə qazanmaq istəyirdik. İkinci hissənin əvvəlində oyuna nəzarəti rəqibə verdik. Komanda xarakter göstərdi və təzyiqini davam etdirdi. Epizodları dəyərləndirmək üçün soyuqqanlılıq çatmadığını düşünürəm”.
- Son nöqtəni qoymaqda nə çatmırdı?
- İkinci hissənin əvvəlində oyunun ipini bir az rəqibə verdik. Sonra komanda xarakter göstərərək təzyiqi davam etdirdi. Düşünürəm ki, bir az soyuqqanlılıq çatmırdı. Futbolçular epizodu dəyərləndirmək üçün daha soyuqqanlı olmalıdılar. Bunlar da futbolun içində olan nüanslardı, bundan qaçmaq mümkün deyil.
- Omar Haninin məşqdə zədələndiyi açıqlanmışdı, amma bu gün oynadı. Onun durumu nə yerdədi?
- Mikrozədəsi var idi. Amma bu gün həkimin rəyindən sonra oyuna buraxdıq.
- Yaovi Akakpoya nə vaxt şans verməyi düşünürsüz?
- Siz başqa cür düşünürsüz, biz başqa cür. Bu gün Ürfan Abbasovu da qoruduq. O, zədədən yeni qayıdıb. Süni örtüklü meydanda onu oynatmaq istəmədik. Qarşıdakı matçlarda Akakpo da şans qazanacaq. Sırf zədəyə görə ehtiyat etdik.
- Kristofer Atanqanaya qarşıdakı matçlarda şans verməyi düşünürsüz?
- Sərəncamımda olan bütün futbolçulara inanıram. Lazım olanda hamısına şans veririk.
Digər xəbərlər
