“Dördüncü yeri bu oyunda təmin etmək imkanımızın olduğunu bilirdik. Komanda bunu dərk edirdi. Bilirdik ki, bizi ağır oyun gözləyir. “Şamaxı”ya da xal lazımdı. Düşünürəm ki, epizodları yaratdıq, amma dəyərləndirməkdə çətinlik çəkdik. Bir matçımız qalıb. Həmin görüşə hazırlaşmağımız önəmlidi. “Şamaxı” ilə biz də, daha öndə olan komandalar da xal itirib. Futbolda həmişə istədiyin və fikirləşdiyin olmur. Komanda sonadək əlindən gələni etməyə çalışırdı. Hakimlər bir az diqqətli olsalar yaxşıdı. Tribunadan əşya atdılar, dördüncü hakim Rasim Ramaldanova qırmızı vərəqə verilməsini deyir. Rəqibləri analiz edirik. Bu üzdən Kristof Atanqanaya şans verməyi düşündük. Konsentrasiyanın aşağı olması hiss edilmir. Təklif tək bizim oyunçulara olmur. Komandamızı qarşıdakı matça kökləyirik. Çalışacağıq ki, bu qarşılaşmada istəyimizə çataq və sonra kubok barədə düşünək”.