“Çempionluq yarışına qoşula biləcəyimizi düşünürəm”
Misli premyer-liqasında 4-cü turun oyunları keçirilir.
“Football-plus.az” xəbər verir ki, “Zirə” “Sabah”ı qəbul edib - 1:0. Matçdan sonra “qartallar”ın futbolçusu Abbas İbrahim qələbə ilə bağlı fikirlərini bölüşüb:
“Çox gərgin və stressli oyun oldu. Təbii ki, bütün həftə boyu “Sabah”ın necə yaxşı komanda olduğu ilə bağlı təhlillər aparmışıq. Buna uyğun hazırlaşmışdıq. Bu matçdan sonra istirahətə elə də çox vaxt ayırmaq lazım deyil. Növbəti görüş barəsində düşünməliyik”.
- 4 oyun, 4 qələbə komandada arxayınlıq yaratmayıb ki?
- Düşünürəm ki, bu mövsümdən etibarən mən və komanda yoldaşlarım mentalitetimizi dəyişmişik. Mental olaraq çempionluq yarışına qoşula biləcəyimizi düşünürəm. Artıq arxayınlaşmağa vaxtımız yoxdu. Qarşıdakı matçlara baxmalıyıq.
- Növbəti rəqib turnir cədvəlinin son pilləsində qərarlaşan “Qəbələ”di. Asan qələbə gözləyirsən?
- “Qəbələ” bu mövsüm Konfrans Liqasında çıxış edib. Bu səbəbdən asan olacağını düşünmürəm. Yalnızca bu deyil, çempionatda heç bir oyunun rahat keçəcəyini söyləmək olmaz. Matçdan-matça daha da inkişaf edib, hər bir komandaya qarşı yüksək səviyyədə hazırlaşmalıyıq.
İSMAYIL XEYRULLAYEV
Digər xəbərlər
