Sabah Misli premyer-liqasında 9-cu tura start veriləcək.

İlk oyun günündə bir görüş baş tutacaq. “Zirə” “Şamaxı”nı qəbul edəcək. Görüş “CBC Sport” telekanalı vasitəsiylə canlı yayınlanacaq.
Misli premyer-liqası

1-ci dövrə, 9-cu tur

7 oktyabr

Zirə - Şamaxı 1:0
Qol: Dmitrios Çantakias, 72
Cəzalı: yoxdu.
“Futbol+”in proqnozu: 40-30-30.
AFFA nümayəndəsi: Maşallah Əhmədov.
Bakı. Zirə İdman Kompleksinin stadionu. Saat 17.30

Həftəsonu çempionatda birinci dövrəyə yekun vurulacaq. İlk oyun günündə “Zirə” dogma meydanda “Şamaxı”nı qəbul edir. Rəşad Sadıqovun komandası favoritdi. “Qartallar” turnir cədvəlində ilk “4-lük”də qərarlaşmaq niyyətindədi. Nəzərə alsaq ki, bu tur “Qəbələ” “Qarabağ”ı qəbul edəcək, “qırmızı-qaralar”ın xal itirmək ehtimalı böyükdü. Bu üzdən “Zirə” “Şamaxı”nı məğlub etmək üçün əlindən gələni edəcək. Ümumiyyətlə, Zirədə keçirilən qarşılaşmalarda meydan sahiblərinin üstünlüyü diqqəti çəkir. “Şamaxı” cəmi 1 dəfə səfərdə qələbə qazanıb. Bu da “Zirə”nin xeyrinə olan məqamlardandı. “Şirlər” isə çempionatda ilk qələbəsini qazanmağa köklənəcək. Ancaq yerli futbolçulardan formalaşdırılan komanda, məzmunlu oyun nümayiş etdirsə də, qələbəyə həsrətdi. Vüqar Əsgərlinin rəhbərlik etdiyi kollektiv dövrənin son matçında bu sindroma son qoymağa çalışacaq.
Komandalar Azərbaycan çempionatlarında 27 dəfə üz-üzə gəlib. Bu görüşlərin 10-da “Zirə”, 6-da “Şamaxı” qələbə qanıbsa, 11-də heç-heçə qeydə alınıb. Topların nisbətində də “qartallar” öndədi - 33:27.

1. Qarabağ 7 7 0 0 24-6 21
2. Sabah 8 6 1 1 17-7 19
3. Neftçi 8 6 0 2 17-9 18
4. Qəbələ 8 5 0 3 13-8 15
5. Zirə 8 4 1 3 12-16 13
6. Turan Tovuz 7 3 1 3 6-8 10
7. Səbail 8 1 2 5 8-12 5
8. Kəpəz 8 1 1 6 6-18 4
9. Sumqayıt 8 0 4 4 1-10 4
10. Şamaxı 8 0 2 6 4-14 2

Bombardirlər: Ramil Şeydayev, Musa Qurbanlı (hər ikisi "Qarabağ") – 7, Coy-Lens Mikels (Sabah) – 5.