"Məlum məsələdi bu komandalar arasında tarixi pirinsipiallıq var, oyunları həmişə gərgin kecib. Odu ki, kiçik-böyük insidentlərin olması normaldı. Qalib gəldiyimiz oyunda rəqibin azarkeşlərini də alqışladıq. Çünki komandaları məğlub olmasına rəğmən, onlar "sarı-göylər"ə dəstək oldular. Nəzərinizdən qaçmayan barmaqla göstərməyim tək bir azarkeşə şamil idi. Çünki o, qeyri-etik ifadə işlətmişdi. Əslində ona "Kəpəz" azarkeşi də deməzdim - yaşlı nəslin stadiona təşrif buyuran əxlaqsız bir nümayəndəsi idi. Həmin şəxsin yaşı 60-dan artıq olsa da, hələ də abır-həya tapa bilməyib. Barmağımı da ona sirkələdim. Sözüm o ki, fərdi naqis şəxsləri çıxmaq şərti ilə ümumilikdə gəncəli azarkeşlərə böyük hörmətimiz var. İnşallah, belə azarkeşi olan komanda özünə layiq sponsor tapacaq".