"Püşkatma mərasimi yaxşı keçdi. İlk turda çempionatın debütantı "Araz Saatlı" ilə qarşılaşacağıq. Münasib rəqibdi. İlk oyunumuzu Aran derbisi adlandırardım, maraqlı oyun olacağını gözləyirəm. Oyunların həftəiçi keçirilməsi şəxsən mənim ürəyimcə deyil. Çox istərdim ki, həftəsonu keçirilsin. Hətta tədbirdə Aslan müəllimə də yaxınlaşdım. Qeyd etdim ki, futbolun əsas gözəlliklərindən biri dolu tribunalar qarşısında keçməsidi. Bölgə təmsilçiləri üçün azarkeş dəstəyi çox vacibdi. Aslan müəllim fikirimlə razılaşdı. Amma qeyd etdi ki, premyer-liqa oyunları həftəsonu keçirildiyindən bu hələlik mümkün deyil, amma gələcəkdə nəzərə alınacaq. Həftəiçi matçları saat 18.00-dan sonra keçirilsə də, azarkeşlərimiz stadiona axışacaq. Amma məsələ belədi ki, hələlik stadionumuzda projektorlar yoxdu. Əsas odu ki, yeni “futbol ili”ndə çempionluğa iddialıyıq və bu yolda sona qədər mübarizə aparacağıq. Yeni mövsüm hamı üçün uğurlu olsun".