Bu gün “Qarabağ” vacib oyuna çıxıb. Avropa Liqasının qrupuna düşmək eşqi ilə yaşayan “köhlən atlar” pley-offun ilk oyununda Lyublyanada “Olimpiya”nın qonağı olub.

"Football-plus.az" xəbər verir ki, təmsilçimiz ilk matçdan qələbə ilə ayrılıb - 2:0.

Avropa Liqası
pley-off, ilk oyun
24 avqust
Olimpiya (Sloveniya) – Qarabağ 0:2
Kevin Medina, 32, Leandro Andrade, 44
“Olimpiya”: 69. Matevj Vidovşek, 2. Xorxe Silva, 3. David Sualehe, 14. Marsel Ratnik, 16. Ahmet Muhamedbeqoviç, 10. Timi Elşnik (k), 19. Svit Seşlar, 34. Aqustin Doffo, 99. Rui Pedro, 11. Saar Fedida, 37. Pedro Lukas.
Ehtiyat oyunçular: 22. Denis Pintol, 31. Zan Maurisio, 6. Mateo Karamatiç, 8. Yustas Lasiçkas, 9. Mustafa Nukiç, 15. Marko Ristiç, 20. Nemanya Motika, 23. Dieqo Pintu, 33. Nemanya Qavriç, 43. Alyaz Kefl, 77. Aldin Yakupoviç.
"Qarabağ": 23. Luka Quqeşaşvili, 27. Toral Bayramov, 13. Bəhlul Mustafazadə, 81. Kevin Medina, 44. Elvin Cəfərquliyev, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir (k), 19. Redon Cica.
Ehtiyat oyunçular: 1. Şahruddin Məhəmmədəliyev, 99. Andrey Lunyev, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 18. Juninyo, 20. Riçard Almeyda, 683. Nihad Quliyev.
Hakimlər: ALEXANDRO ERNANDES, Xose Naranxo, Dieqo Sançes Roxo, Alexandro Munis Ruis (hamısı İspaniya).
Hakim inspektor: Sokol Yareci (Albaniya).
UEFA nümayəndəsi: Roksana Berşeanu (Rumıniya).
Lyublyana. “Stojitse” stadionu. Saat 22.00.

Avrokuboklardakı yeganə təmsilçimiz olan “Qarabağ” növbəti səfər matçına çıxır. Qurban Qurbanovun komandası “Olimpiya”nın qonağıdı. Komandaları gücünə görə müqayisə etsək, təbii ki, Azərbaycan çempionu favoritdi. Düzdü, “Olimpiya” Çempionlar Liqasının 3-cü təsnifat mərhələsində mübarizəni dayandırıb Avropa Liqasının pley-offuna vəsiqə qazandı. Lyublyanalılar qarşısını güclü “Qalatasaray” ala bildi. “Qarabağ” isə eyni turnirin 2-ci təsnifat mərhələsində “Rakuv”a ümumi hesabda 3:4 uduzaraq mübarizəni dayandırmışdı. Bundan sonra “köhlən atlar” Avropa Liqasında HİK-ə hər iki qarşılaşmada qalib gələrək turnirin pley-offuna yüksəldi.

Ağdamlılar bu görüşdə iki yeni futbolçunun xidmətindən yararlana bilər. Bunlar Andrey Lunyovla Mateus Silvadı. Son Azərbaycan çempionu hər iki oyunçunu matç üçün sifariş edib. Bu futbolçuların gəlişini nəzərə alaraq “köhlən atlar”ın aşağıdakı heyətlə meydana çıxacağını söyləyə bilərik: Şahruddin Məhəmmədəliyev, Elvin Cəfərquliyev, Kevin Medina, Bəhlul Mustafazadə, Mateus Silva, Julio Romao, Marko Yankoviç, Abdullah Zubir, Yassin Benzya, Leandro Andrade, Redon Cica.

Lunyov uzun müddətdi oyun praktikasından əziyyət çəkir. Qurban Qurbanov onu meydana buraxmağa risk etməz. Lakin Mateus Bolqarıstan təmsilçisi “Lokomotiv”in heyətində daimi oynayıb. Yaxşı hazırlıq keçən braziliyalının bu gün start heyətində görə bilərik. Bu başqa məsələ ki, onun da avrokubok təcrübəsi yoxdu. Təcrübəli mütəxəssis çempionat oyunlarında özünü yaxşı tərəfdən göstərən Juninyo ilə Diakabini start heyətdə meydana buraxsa, təəccüblənməyə dəyməz.

Bu komandalar avrokuboklarda daha öncə qarşılaşıb. Çempionlar Liqasının 2018/19 mövsümündə səfərdə 1:0 hesabı ilə qələbə qazanan “köhlən atlar” doğma meydanda heç-heçə edib – 0:0. Bu nəticə ilə ağdamlılar adını növbəti mərhələyə yazdırıb.
Yeri gəlmişkən...

“Olimpiya” - “Qarabağ” matçında təmsilçimizi dəstəkləmək istəyən azarkeşlər üçün ayrılmış biletlər (802 ədəd) bu gün yerli vaxtla 18.00-dan etibarən qarşılaşmanın keçiriləcəyi "Stojitse" stadionunda S30 və S31 sektorlarının yaxınlığında satılacaq. Biletlərin qiyməti 25 avrodu. Bilet satışını meydan sahibi olan klub həyata keçirir.