“Formula-1” komandalarından “Mersedes”in rəhbəri Toto Volff maraqlı müsahibdi.

"Football-plus.az" xəbər verir ki, amma bu dəfə jurnalistlərin yox, azarkeşlərin bəzi suallarını cavablayıb. Özü də bu suallar birbaşa onun işi ilə bağlı olmayıb, Volff hətta bəzi sualların mənasızlığından da gileylənib. Ancaq heç bir halda cavabdan qaçmayıb.

- Yaşınıza uyğun gəlməyən şəkildə gənc görünürsüz. Bunun sirrini bölüşərdiz...
- Problem ondadı ki, mən artıq o qədər də gənc görünmürəm, bunu mənə hətta xanımım da deyir. Ümumilikdə səhər-axşam soyuq su ilə yuyunuram. Bunu mənə vaxtilə hansısa bərbər məsləhət görüb, dediyinə görə, soyuq su ilə yuyunmaq üzün dərisini təbii yolla qoruyur.

- İndiki mövqeyinizdən yeniyetmə Toto Volffa hansı məsləhəti verərdiz?
- Dünyaya həmişə açıq gözlə baxmağı və həyatın bəxş etdiyi bütün imkanlardan yararlanmağı...

- “Formula-1” komandasının rəhbərinin işində ən çətin olan nədi? Və liderə lazım olan hansı keyfiyyəti daha vacib sayırsız?
- Bu suala cavab vermək bir qədər çətindi… Bu işin, yəni yarışların bütün detalları ilə “jonqlyorluq etməyi” bacarmalısan. İdmanın qaydaları, sponsorlarla danışıqlar, uzunmüddətli perspektivi görmək və gələcəyə baxmaq… Bütün bu sahələr arasında düzgün balansı tapmaq çox çətindi. Ən vacib keyfiyyətə gəlincə… Adamlara içdən gələn maraq göstərməlisiz, onlarla ünsiyyətdən, qarşılıqlı münasibətlərdən məmnunluq duymalısız, bu şəxsən mənim çox xoşuma gəlir.

- İndiyə qədər çoxlu qulaqcıq sındırmısız?
- Bir neçə dəfə sındırmışam, ancaq sırf məhv etdiyim yeganə hadisə 2021-ci ildə - Səudiyyə Ərəbistanında baş verib.

- Pitsanın tərkibinə ananas qatılmasına necə baxırsız?
- Bu ki faciədi! İstənilən italiyalı kökündən vurulmuşa dönər. Günortadan sonra kapuçino içmək dərəcəsində günahdı.

- Çempionatdakı bütün komandaların maşını eyni olsaydı, hansı meyvəni daha çox bəyənərdiz?
- Sual bu dərəcədə mənasızdısa, onda deyərdim ki, ən sevimli meyvəm elə ananasdı.