Kenni Sayefdən maraqlı etiraf: "Bunu "Neftçi"də hamı bilir"
"Beşiktaş"la oyuna yaxşı başlamadıq. Sonradan toparlandıq. Lakin meydana daxil olan təcrübəli futbolçulat oyunun taleyini həll etdilər".
Bu sözləri "Football-plus.az"a açıqlamasında "Neftçi"nin üzvü Kenni Sayef dedi. İsrailli futbolçu Konfrans Liqasının 3-cü təsnifat mərhələsinin cavab matçında "Beşiktaş"a 1:2 hesabı ilə məğlub olmalarını şərh etdi:
"Pley-offa çıxmaq istəyirdik. Lakin qismət olmadı. Güclü və zəif rəqib anlayışı yoxdu. Daha hazırlıqlı və keyfiyyətli oyun sərgiləyən kollektiv qələbə qazanır. Məğlub olmağımızın səbəbi bu idi".
Kenni onun üçün hansı mövqenin daha uyğun olmasını da açıqladı:
"Mən sol cinah müdafiəçisiyəm. Bunu "Neftçi"də hamı bilir. Transfer olunduğum dövrdə baş məşqçi məni sağda vinger olaraq oynatdı. Mutuya da demişəm ki, mən sol cinah müdafiəçisiyəm. Burda özümü daha yaxşı hiss edirəm".
29 yaşlı futbolçu bu gün Misli premyer-liqasının 3-cü turunda qarşılaşacaqları "Sabah"la matç barədə də danışdı:
"Onlara heç bir şans verməyəcəyik. Bu rəqibi mütləq məğlub edəcəyik. Biz onlardan daha yaxşıyıq".
İLKİN SULTANLI
Digər xəbərlər
