Səudiyyə Ərəbistanının “Əl-Hilal” futbol klubu “Miluoki”nin forvardı Yannis Adetokunbonun xoş mesajına cavab verib.

"Football-plus.az" xəbər verir ki, xatırladaq ki, ərəblərin Kilian Mbappeyə görə PSJ-yə fantastik təklif irəli sürməsinə yunan ulduz belə reaksiya vermişdi: “Əl-Hilal”, məni götürə bilərsiz, Kilian Mbappeyə oxşayıram”.

Klub “tvitter” hesabına üzərində Adetokunbonun soyadı yazılan futbolka yerləşdirib və belə yazıb: “Sənin forman artıq hazırdı. “Əl-Hilal” ailəsinə xoş gəldin”.

Xatırladaq ki, iyulun 24-də “Əl-Hilal”ın Mbappeyə görə PSJ-yə 300 milyon avro təklif etdiyi haqda xəbər yayılmışdı. Klub həmçinin forvardın özünə illik 700 milyon avro maaş verməyə və gələn yay “Real”a havayı buraxmağa hazır idi. 24 yaşlı fransalı ulduz Səudiyyə Ərəbistanı klubunun təklifini rədd etdi.