Dövlət klublara transferlər üçün 19,7 milyard avro ayırdı
Dünya transfer bazarında, belə desək, Səudiyyə Ərəbistanı klublarının at oynatmasında dövlətin böyük rol oynadığı bir daha təsdiqini tapıb. Bu fikri sübut edən qərar qəbul edilib.
"Football-plus.az" xəbər verir ki, Səudiyyə Ərəbistanı İdman Nazirliyi 2030-cu ilə qədər transferlər üçün klublara 19,7 milyard avrodan çox vəsait ayırıb. Bu barədə jurnalist Ben Ceykobs şəxsi “tvitter” hesabında belə yazıb:
“İdman Nazirliyi Səudiyyə Ərəbistanı çempionatı klublarının 2030-cu ilə qədər olan dövrdə reallaşdıracağı transferləri üçün 17 milyard funt sterlinq (19,7 milyard avro) ayırıb. Yayın əvvəlində “Əl-Hilal”ın Kilian Mbappeni transfer etmək istəyəcəyi büdcədə nəzərə alınmamışdı. Lakin bu futbolçunun klubundakı durumunun dəyişməsi artıq PSJ-nin hücumçusunun da “Əl-Hilal” ilə danışıqlar prosesinə cəlb olunmasını mümkün edir. Odu ki, dövlət büdcəsində bu transfer də nəzərə alınıb”.
Bir daha xatırladaq ki, “Əl-Hilal”ın Mbappeyə görə PSJ-yə dünya futbolu üçün rekord sayılan 300 milyon avro təklif etdiyi barədə xəbərlər yayılıb. İddiaya inansaq, bu klub birillik müqaviləyə görə fransalı oyunçuya 700 milyon avro ödəməyə hazırdı.
Digər xəbərlər
