Avropa çempionatına uğurlu başlayan qadın voleybolçulardan ibarət yığma, təəssüf ki, 2-ci oyunda Almaniyaya uduzdu.

“Football-plus.az” xəbər verir ki, Azərbaycan Voleybol Federasiyasının “feysbuk” səhifəsini ziyarət edən azarkeşlər tənqidi fikirlər səsləndirməkdədi.

Asif Quluzadə. 20 ildən çoxdu voleybol izləyirəm. Mən hələ bu qədər yumşaq servis atan komanda görməmişəm. Elə servis atırıq ki, blokçular yerini tutana qədər rəqib artıq xal qazanmış olur. Son 5 ildi servislər voleybolda hücumdan, müdafiədən, blokdan daha da önəmlidi. Türkiyəli voleybolçular servislərin hesabına rəqiblərini məhv edir. Bunu özləri belə etiraf edirlər. Yumşaq servis atmağımız az imiş kimi, hər iki servisdən bir səhvə yol veririk. Qısası, təcili şəkildə servislər üzərində işləmək lazımdı. Həmçinin illərdi oyunçularımız oyunun qırılma nöqtəsində səhvə yol verir. Sonra toparlana da bilmirlər. Bununla psixoloqlar məşğul olmalıdı. Ötürücümüz Kristina Yaqubova da yaxşı deyildi. Blokçulardan, demək olar ki, hücumda istifadə etmədik. Oyunun Rəhimova və Səmədova üzərində qurulması həm adı çəkilən voleybolçularımızın yorulmasına, həm də rəqibin oyunu oxumasına səbəb oldu. Sabah Türkiyə ilə oyunumuz var. Uduzmaq ehtimalımız çox böyükdü, lakin İsveç və Yunanıstanı məğlub etməliyik. Onsuz da növbəti mərhələdə bəxtimizdən “ölüm qrupu” sayılan A qrupunda olan komandalardan biri ilə qarşılaşacağıq. Heç olmasa, üst yerlərdən birini tutaq ki, nisbətən zəif komanda gəlsin.

Orxan Hüseynzadə. Məşqçi işi sıfır. Voleyboldan anlayışı olanlar bilər nə demək istədiyimi. Lazımi anlarda taym-aut götürülmədi. Dəyişikliklər bərbad...

Elnur Məmmədov. Bu oyun 3:2 də bitə bilərdi, bu qədər bəsit səhvlərə yol verməsəydik. Odina bərbad qəbulla batırdı oyunu. Ruban və Polina yaxşı idi. Polinaya da normal ötürmələr gəlmirdi. Türkiyə ilə oyuna gəlincə, biabırçılıq olacaq. Ona görə də Yunanıstan və İsveç ilə olan oyunları düşünüb qələbə qazanmaq lazımdı.

Həsən Həsənzadə. Mənə maraqlıdı, qəbulda bu qədər səhv olanda kənardan oyunçu niyə salmırıq?

Rainbou Sumqayıtda. Komanda gəncləşməlidi - bu heyyətlə yalnız orta səviyyəli komandaları udmaq mümkündü... Almanların meydan sahibi amili də uduzmaga təkan verdi... Tamaşaçı dəstəyi super idi.