Avqustun 16-17-də Konfrans Liqasında (KL) 3-cü təsnifat mərhələsinin cavab oyunları keçirildi. Bununla da turnirin pley-off mərhələsinin bütün iştirakçıları müəyyənləşdi.

Təəssüf ki, bu mərhələdə çxış edən komandalarımız uğursuz nəticələr göstərdilər. “Neftçi” “Beşiktaş”a İstanbulda da məğlub oldu – 1:3. Əslində Bakıda “Partizan”ın qapısından iki cavabsız top keçirən “Sabah”ın pley-offa adlamaq şansı daha yüksək idi. Serbiya klubu da “doğma divarlar” amilindən maksimum yararlandı. Əsas vaxtda iki top buraxan Murad Musayevin komandası 30 dəqiqəlik əlavə vaxtda da serblərin qapısına yol tapa bilmədi və penalti seriyasında uduzaraq mübarizəni dayandırdı. Maraq üçün “Qəbələ”ni əvvəlki mərhələdə 3:2 və 4:1 hesablı qələbələrlə dayandıran “Omoniya”nın nəticəsini də qeyd edək. Cənubi Kipr klubu 3-cü təsnifat mərhələsinə də qələbə ilə başlamışdı. Lakin evdə “Midtüllann”ı Bezusun yeganə qolu ilə məğlub edən adalılar Danimarkada 1:5 hesabıyla darmadağın olaraq avrokuboklardakı çıxışını dayandırdılar.

"Football-plus.az" xəbər verir ki, 3-cü seçmə mərhələ postsovet məkanı üçün çox pis nəticələndi. Bu mərhələdə sabiq SSRİ-yə daxil olan 8 ölkədən 11 komanda iştirak edirdi. Bu komandaların ilk oyunlardakı göstəriciləri belə olmuşdu: 2 qələbə, 1 heç-heçə, 8 məğlubiyyət. Cavab görüşlərindən 2 qələbə və 9 məğlubiyyətlə ayrıldılar. Nəticədə 11 klubdan 9-u KL-də mübarizəni dayandırdı. Azarkeşlərini sevindirənlər Kiyev “Dinamo”su ilə “Tobol” oldu. Ukrayna və Qazaxıstan təmsilçisi uyğun olaraq “Aris”i və “Derri Siti”ni mübarizədən kənarlaşdırdı. Maraq üçün onu da qeyd edək ki, Mirça Luçeskunun çalışdırdığı “Dinamo” pley-offda “Beşiktaş”la qarşılaşacaq.

3-cü təsnifat mərhələsi, cavab oyunları
Beşiktaş (Türkiyə) - NEFTÇİ 2:1 (ilk oyun – 3:1)
Abubakar, 57. Muleka, 71 - Mahmudov, 36.
Partizan (Serbiya) - SABAH 2:0, p. – 5:4 (0:2)
Saldanya, 30. Natxo, 58.
Flora (Estoniya) - Farul (Rumıniya) 0:2 (0:3)
Rivaldinyo, 3. Budesku, 18.
Aktobe (Qazaxıstan) - Sepsi (Rumıniya) 0:1 (1:1)
Peun, 66.
Derri Siti (İrlandiya) - Tobol (Qazaxıstan) 1:0, p. – 5:6 (0:1)
Patçinq, 15-p.
Pünik (Ermənistan) - Bude/Qlimt (Norveç) 0:3 (0:3)
Pelleqrino, 43-p. Berq, 49. Fyeld-Qulliksen, 54.
Linkoln Red İmps (Cəbəllütariq) - Ballkani (Kosovo) 1:3 (0:2)
Xuampe, 66 - Korenitsa, 48. Kuç, 64. Zyuba, 90+8.
Poqon (Polşa) - Gent (Belçika) 2:1 (0:5)
Kuluris, 79; 86 - Kuypers, 90+5.
APOEL (Cənubi Kipr) - Dila (Gürcüstan) 1:0 (2:0)
Ndonqala, 48.
Austriya (Avstriya) - Legiya (Polşa) 3:5 (2:1)
Qruber, 69; 83. Ranftl, 90+7 – Elitim, 39. Qual, 45+1. Pekhart, 59. Rosolek, 87. Muçi, 90+10.
Brann (Norveç) - Aroka (Portuqaliya) 3:1 (1:2)
Müre, 6. Knudsen, 42. Finne, 45 - Silla, 57.
Qzira Yunayted (Malta) - Viktoriya (Plzen, Çexiya) 0:2 (0:4)
Traore, 47. Vlkanova,79.
Makkabi (Təl-Əviv, İsrail) - AEK (Cənubi Kipr) 1:0 (1:1)
Zehavi, 86-p.
Levski (Bolqarıstan) - Hapoel (Beer Şeva, İsrail) 2:1 (0:0)
Velton, 15. Ronaldo, 90+6 – Stoyanov, 79.
Nordşellann (Danimarka) - FKSB (Rumıniya) 2:0 (0:0)
İnqvartsen, 43-p.; 85.
Ferentsvaroş (Macarıstan) - Hamrun Spartans (Malta) 2:1 (6:1)
Traore, 41. Varqa, 90+6 – Mbonq, 6.
Riqa (Latviya) - Tvente (Niderland) 0:3 (0:2)
Rots, 57. Besselink, 90. Ünüvar, 90+2.
PAOK (Yunanıstan) - Hayduk (Xorvatiya) 3:0 (0:0)
Şvab, 12-p. Jivkoviç, 79; 85.
Dinamo (Ukrayna) - Aris (Yunanıstan) 2:1, p. – 6:5 (0:1)
Voloşin, 45. Karavayev, 85 - Curasek, 39.
Midtüllann (Danimarka) - Omoniya (Cənubi Kipr) 5:1 (0:1)
Ço He Son, 27-p.Frankulino, 43; 45+2; 64. Qiqoviç, 80 - Kakulis, 31.
Akureyri (İslandiya) - Brügge (Belçika) 1:5 (1:5)
Petersen, 59 – Boyata, 7. Skuras, 45+3. Yaremçuk, 57; 66; 75.
Neman (Belarus) - Selye (Sloveniya) 1:4 (0:1)
Şukurov, 82 – Bobiçanets, 21; 55. Lami, 35; 67.
Osiyek (Xorvatiya) - Adana Dəmirspor (Türkiyə) 3:2 (1:5)
Neyasmiç, 43. Saktaş, 59. Qrjan, 82-p. - Yusuf Sarı, 31. Yusuf Ərdoğan, 90+1.
Partizani (Albaniya) - Valmiera (Latviya) 1:0 (2:1)
Sara, 22-p.
Spartak (Slovakiya) - Lex (Polşa) 3:1 (1:2)
Ofori, 37. Daniel, 50. Ştetina, 74 - Velde, 64.
Svift Esperanj (Lüksemburq) - Struqa (Şimali Makedoniya) 2:1 (1:3)
Qustavo, 70. Axalaya, 90+4 - İbraimi, 17.
Riyeka (Xorvatiya) - B36 Torshavn (Farer adaları) 2:0 (3:1)
Paşaliç, 14. Qrqiç, 83.
Maribor (Sloveniya) - Fənərbaxça (Türkiyə) 0:3 (1:3)
İrfan Can Kahveci, 17. Şimanski, 77. Tadiç, 79.
Alkmaar (Niderland) - FK Santa Koloma (Andorra) 2:0 (1:0)
Van Bommel, 41. Lahdo, 78.
Lütsern (İsveçrə) - Hibernian (Şotlandiya) 2:2 (1:3)
Kadak, 16. Ademi, 67 – Yuan, 10. Boyl, 73.
Harts (Şotlandiya) - Rusenborq (Norveç) 3:1 (1:2)
Şenklend, 13. Devlin, 50; 90+2 - Torvaldsson, 6.
Debretsen (Macarıstan) - Rapid (Avstriya) 0:5 (0:0)
Zaydl, 15. Romançuk, 43-öz qapısına. Qrül, 52. Burqştaller, 72. Bayiç, 90.

İlk oyunları avqustun 24-də keçiriləcək pley-offda cütlər belə formalaşıb:

Levski – Ayntraxt (Frankfurt, Almaniya), APOEL – Gent, Spartak – Dnepr-1, Sepsi – Bude/Qlimt, Tobol – Viktoriya (Plzen), Hibernian – Aston Villa (İngiltərə), Midtüllann – Legiya, Lill (Fransa) – Riyeka, Gent - Adana Dəmirspor, Fənərbaxça – Tvente, Dinamo – Beşiktaş, Alkmaar – Brann, Rapid – Fiorentina (İtaliya), Harts – PAOK, Nordşellann – Partizan, Osasuna (İspaniya) – Brügge, Makkabi (Təl-Əviv) – Selye, Ballkani (Kosovo) – BATE (Belarus), Jalgiris (Litva) – Ferentsvaroş, Struqa – Breydablik, Farul – HİK (Finlandiya), Astana (Qazaxıstan) – Partizani.