"Son bir ildə ölkə futbolundakı inkişafları görür, gözləyirdik ki, bizim də bəxtimiz gətirər. Əvvəllər premyer-liqamıza baxıb yuxulayırdıqsa, ötən mövsüm və cari “futbol ili”ndən maraqla baxırıq. Ölkə çempiopnatının səviyyəsi yüksəlib. Bölgələrdə də futbolun inkişafı naminə aşağı liqalarda komandaların sayı artırıldı. İnanırsız, çox ümidliydik ki, bəlkə bu dəfə peşəkar liqada çıxışımıza icazə verilə. Amma yenə qapıları üzümüzə bağladılar. Dünən telefonuma o qədər zəng gəlib ki, bilmirəm adamlara, azarkeşlərə nə deyim. Telefonu söndürməyə məcbur oldum. AFFA-nın dünənki qərarı həm bizi məyus etdi, həm də qazaxlı futbolsevərləri qurumdan küsdürdü".