Premyer-liqada 3-cü tur “Rux”un vahid liderliyə yüksəlməsi ilə əlamətdar oldu.

"Football-plus.az" xəbər verir ki, əslində belə olmaya da bilərdi. Sadəcə, “Aris”lə Konfrans Liqasının oyununa daha rahat hazırlaşmaq istəyən Kiyev “Dinamo”sunun xahişi ilə yerli futbol qurumu bu komandanın “Metallist 1925” ilə qarşılaşmasını təxirə saldı. Lvovlular bundan maksimum yararlandı. Onlar hesabat turunda səfərdə elitanın debütantı “Polesye”ni məğlub etdi. İlk yarı meydan sahiblərinin, 2-ci hissə isə “Rux”un üstünlüyü şəraitində keçdi. Kvasnitsanın 90-cı dəqiqədə vurduğu qol lvovluları zirvəyə daşıdı.

Vitse-çempion “Dnepr-1” mövsümə istədiyi kimi başlaya bilməyib. Avropa Liqasında “Slvaiya” önündə darmadağın olan dneprlilər ardından aşkar autsayder “Minay”la oyunda xal itirdi. Əsas hadisələr son dəqiqələrə təsadüf etdi. 89-cu dəqiqədə “Minay”ın sürətli əks-hücumunu Tvyordoxleb dəqiq zərbə ilə bitirdi. Ancaq qonaqlar ruhdan düşmədi. 3-cü uzatma dəqiqəsində penaltini dəqiq yerinə yetirən Minqo bərabərlik qolunu vurdu.

“Vorskla” – “Zarya” oyununun “qışqıran” afişası var idi. Axı komandaların ikisi də Ukraynanı avrokuboklarda təmsil edir. Amma “mərkəzi oyun” təyini qətiyyən özünü doğrultmadı. Əsasən də ilk yarını boşa verən poltavalıların günahı üzündən. Gerreronun hesabı erkən açmasına imkan yaradan meydan sahibləri bundan sonra da müdafiədə laqeyd oyunu davam etdirdi. Luqansklıların əsas forvardı üçün 3-4 real qol vəziyyəti yaratmasına mane ola bilmədi. Sadəcə, panamalı “Vorskla”nı bağışladı. Paltardəyişmə otağındakı “profilaktik söhbət” poltavalı futbolçuların hisslərinə təsir etdi. Sonradan meydana çıxan Felipe 66-cı dəqiqədə uzaqdan “9-luğ”a gözəl zərbə ilə hətta hesabı bərabərləşdirə bildi. Ancaq “Zarya” “Vorskla”nı xalsız qoydu. Luqanslıların baş məşqçisi Nenad Lalatoviç bu komanda ilə premyer-liqada ilk qələbəsini qazandı ki, bu da avrokuboklar ərəfəsində çox vacibdi. Artıq Konfrans Liqasından çəkilən “Vorskla” ilə sönük və qeyri-sabit oyunu davam etdirir ki, bunun da nəticəsində turnir cədvəlinin sonluğunda qərarlaşıb.
3-cü turun son oyunu dünən axşam keçirildi. “Aleksandriya” ilə qarşılaşan “Şaxtyor” qələbə hesabını çətinliklə qorudu. Donetsklilərin yenə bütün oyun üçün gücünün çatmadığı hiss olundu, saatın tamamından sonra onlar çətinlik çəkdi. “Aleksandriya” 60-cı dəqiqədə fərqi minimuma endirdi, son dəqiqələrdə qapıçı Riznık dəfələrlə “Şaxtyor”u qoldan xilas etdi.

Maraqlıdı ki, turun üç oyunu 2:0 hesabıyla bitdi və bunların hər birində meydan sahibləri, yəni “Çernomorets”, “Kolos” və “Krivbass” qələbə qazandı.

3-cü tur
Şaxtyor – Aleksandriya 2:1
Sikan, 7. Traore, 31 – Skorko, 60.
Şaxtyor: Riznık, Çiqrinski (Kozik, 74), Matviyenko, Qoçoleyşvili, Krıskiv (Kastilyo, 89), Oçeretko, Nazarina, Sikan (Vyunnik, 46), Traore (Kelsi, 46), Zubkov (Neverton, 83), Topalov.
Minay – Dnepr-1 1:1
Tverdoxleb, 89 – Minqo, 90+3-p.
Dnepr-1: Kanareykin, Lednev (Tançik, 57), Kravets, Kapliyenko, Adamyuk, Sarapi, Rubçinski (Purita, 86), Pixalyonok (Minqo, 57), Babenko, Bill (Kavinda, 56), Filippov (Koqut, 75).
Polesye – Rux 0:1
Kvasnitsa, 90.
Vorskla – Zarya 1:2
Felipe, 66 – Gerrero, 4. Cordan, 78.
Çernomorets – Obolon 2:0
Vasilyev, 15. İede, 62.
Kolos – Veres 2:0
Bezborodko, 25. Orexovski, 72-p.
Krivbass – LNZ 2:0
Beskorovaynı, 38. Zaderaka, 83.
“Dinamo” – “Metallist 1925” oyunu qeyri-müəyyən müddətə təxirə salınıb.
1. Rux 3 3 0 0 7-2 9
2. Kolos 3 2 1 0 4-0 7
3. Şaxtyor 3 2 1 0 5-3 7
4. Dinamo 2 2 0 0 8-3 6
5. Krivbass 3 2 0 1 5-2 6
6. Çernomorets 3 2 0 1 4-2 6
7. Aleksandriya 2 2 0 0 2-0 6
8. Dnepr-1 2 1 1 0 3-2 4
9. Polesye 3 1 0 2 3-3 3
10. LNZ 3 1 0 2 3-4 3
11. Zarya 3 1 0 2 4-6 3
12. Obolon 3 0 1 2 2-6 1
13. Veres 3 0 1 2 1-5 1
14. Minay 3 0 1 2 2-8 1
15. Metallist 1925 2 0 0 2 1-3 0
16. Vorskla 2 0 0 2 2-6 0
Növbəti turun oyunları avqustun 18-20-si aralığında keçiriləcək: LNZ – Polesye, Zarya – Aleksandriya, Veres – Vorskla, Metallist 1925 – Minay, Rux – Kolos, Dnepr-1 – Obolon, Çernomorets – Dinamo, Krivbass – Şaxtyor.
Bombardirlər: Vanat (Dinamo), Klimçuk (Rux) – 3.