Artıq Leonardo Bonuççinin “Yuventus”da qalmayacağı dəqiqləşib.

"Football-plus.az" xəbər verir ki, o, yeni mövsümə başqa komandada başlayacaq.

Bonuççi ilə klubu arasındakı münasibətlər korlanıb.Müdafiəçi “Yuventus”un onu əsas komandadan uzaqlaşdırılması qərarına görə klubu məhkəməyə verməyi düşünür. “La Gazzetta dello Sport”un yaydığı xəbərə görə, Bonuççi onu məhkəmədə təmsil etmək üçün vəkillər tutub. 36 yaşlı futbolçu müqaviləsinin ləğvinə görə 2 milyon avro məbləğində təzminat tələb edir.

Leonardo karyerasını başa vurmaq fikrində deyil. O, çıxışını Avropada davam etdirəcəyinə ümid edir. Müxtəlif mənbələr AÇ-2020-in çempionunun “Ayaks” və “Union” ilə danışıq apardığını xəbər verir. Amma onun rəbərliyi ilə yaxşı münasibətlərə malik olduğu “Fiorentina”da oynamaq istədiyi də iddia edilir.