Bonuççi futbolla nə vaxt vidalaşacağını açıqladı
İtaliya yığmasının və ''Yuventus''un kapitanı Leonardo Bonuççi karyerası ilə bağlı qəbul etdiyi qərarı açıqlayıb.
"Football-plus.az" xəbər verir ki, 36 yaşlı təcrübəli müdafiəçi ''Yuve''nin ''yutub'' kanalına açıqlamasında gələn yay futbolla vidalaşacağını bildirib:
''Bu formanı 12 il ərzində geymək inanılmaz bir duyğudu. Bu formanı hər dəfə əynimə keçirəndə sanki içimdəki uşaq sevinir. Gələn mövsüm karyeramın son ili olacaq. Bununla da italyan tərzi müdafiəni və futbolun bu tərəfini önə çıxaranların dönəmi başa çatacaq. Barezi, Nesta, Maldini, Kannavaro kimi ən yaxşı italiyalı müdafiəçilərlə müqayisə olunmağımla daim qürur duyacam''.
İki fərqli dönəmdə (2010-17, 2018-23) Turin nəhənginin şərəfini qoruyan Bonuççi ötən həftə ''Sevilya'' ilə oyunda ''Yuve''nin heyətində 500-cü rəsmi matçını keçirmişdi. ''İnter'', ''Milan'', ''Cenoa'' və ''Bari''də də oynamış Bonuççi A seriyasında 8-i ''Yuventus'', 1-i ''İnter''lə olmaqla 9 çempionluq yaşayıb. ''Yuve'' ilə müqaviləsinin müddəti gələn yay başa çatacaq futbolçu İtaliya yığmasında isə 120 oyun keçirib və AÇ-2020-nin qalibi olub.
Digər xəbərlər
