“Klivlend”in forvardı Karis Lavert saatının oğurlanmasıyla bağlı polisə müraciət edib. İş ondadı ki, “Peugeot” markalı bu nadir qol saatının qiyməti 93 min dollardı.

“Football-plus.az” xəbər verir ki, basketbolçunun dediyinə görə, oğurluq avqustun 1-də - onun Los-Anceles rayonundakı evində keçirilən axşam məclisində baş verib. Levert yataq otağında kiminsə olduğunu hiss edib, sonradan yoxlamaq üçün ora daxil olanda isə boş saatqabını görüb. Los-Anceles polisi olayla bağlı təhqiqat aparır.

Xatırladaq ki, Levert bu yay “Kavalyers”lə dəyəri 32 milyon dollar olan yeni – ikiillik müqavilə bağlayıb.