“Filadelfiya”nın hücumameyilli müdafiəçisi Ceyms Harden klubla yeni müqavilə imzalayıb. ESPN-in yaydığı xəbərə görə, 32 yaşlı amerikalının ikiillik müqaviləsinin dəyəri 68,6 milyon dollardı. Bir müddət əvvəl Hardenin maaşında 15 milyon dollar ixtisara razılaşdığı haqda xəbər yayılmışdı, belədə klub mövsümlərarası dövrdə heyətinə yeni oyunçular qata biləcəkdi.
Ulduz basketbolçu son mövsümdə “Filadelfiya”nın heyətində keçirdiyi 21 oyunda orta hesabla 21 xal, 7 ribaund və 10,5 ötürmə ilə yadda qalıb.
Bu arada Los-Ancelesdə ESPY idman mükafatlarının təqdim olunması mərasimi keçirilib. MBA-nın 2021/22 mövsümünün qalibi olan “Qolden Steyt” ilin ən yaxşı komandası sayılıb. Bu komandanın oyun qurucusu Stefen Karri isə ən yaxşı basketbolçu üçün mükafata yiyələnib. O da maraqlıdı ki, təqdimat mərasiminin aparıcısı elə 34 yaşlı Karri olub.