"Futbola hərtərəfli baxmalıyıq. Onun tərəflərindən biri də marketinqdi. Çünki ortada müqavilə və orda qeyd edilən bəlli şərtlər varsa, nəsə etmək mümkün deyil. Bundan başqa, Mikels məsələsinə kənardan baxıb qiymət vermək düzgün deyil. Çünki klubun içində deyilik, müqavilənin detallarını bilmirik. Ümumiyyətlə, futbolçu getmək istəyirsə, onu zorla saxlamağın adı yoxdu. Çünki sən onu bir neçə ay məcbur saxlasan belə, o meydanda çıxıb bütün bacarığını ortaya qoymayacaq, formasından aşağı səviyyədə çıxış edəcək.

Bizim futbolda belə məslələrdə ən gözəl yanaşma Qurban Qurbanova məxsusdu. Futbolumuzun canlı əfsanəsinin gözəl sözü var: "Gedən oyunçunu saxlamazlar". Odu ki, Mikelsin üzərində düşməyin, onu qınaq obyektinə çevirməyi düzgün saymıram. Təbii ki, "Sabah" üçün böyük itkidi. Yaxşı olardı ki, Konfrans Liqasına heç olmasa, bir ay qalmış başqa kluba keçəydi. Onda "bayquşlar" daha yaxşı hazırlaşa və Milelsin yerinə kimisə transfer edə bilərid. Əvvəlcə Kaşukun, indi də Miikelsin getməsi "Sabah"a təsirsiz ötüşməyəcək".