"Mikels yaxşı futbolçudu. Ona hansısa təkliflərin gəlməsi normaldı. Amma bir məsələ var ki, söhbət Səudiyyə Ərəbistanı klubundan gedir. Sözügedən komanda hazırda vacib matçlarda - məsələn, avrokubok və ya ölkə çempionatı oyunlarında iştirak etmirsə, Mikelsin tələskənliyi anlaşılan deyil. "Partizan"la oyunda meydana çıxmaması da mənəvi cəhətdən düzgün olmadı. Ən azı ikiillik klubu üçün sonuncu dəfə mübarizə apara bilərdi. Mövzu ilə bağlı tam dəqiq məlumatım yoxdu. Mətbuatda oxuduqlarıma əsasən deyə bilərəm ki, burda hansısa tərəfi qınamaq düzgün deyil. Nə klub, nə də futbolçu hüquqi cəhətdən yanlış bir şey etmir. Bilindiyi kimi, müqavilələrdə hər sözün öz hökmü var. Masazır təmsilçisi də sənədə sözügedən bəndi əlavə edibsə, digər məsələlər məhz futbolçunun qərarından asılıdı. Qeyd edilən məbləği ödəyib getsə, heç kim ona heçnə deyə bilməz. Futbolun yazılmayan qanunlarına gəlncə, təbii ki, Mikels başqa cür də davrana bilərdi. Lakin bunu kiminsə öncədən təxmin etməsi mümkün deyil. Nə "Barselona", nə də "Sabah" futbolçusunun mənəvi zərbəsindən “sığortalanıb”. Yenı deyirəm: Mikels hər şeyi məhz müqaviləyə əsasən edirsə, qərarlarında azaddı".