"İdman TV" "Mançester Siti" ilə başlayır
Xəbər verdiyimiz kimi, futbol azarkeşlərinin səbirsizliklə gözlədiyi İngiltərə premyer-liqasının oyunları yenidən "İdman TV"də yayınlanacaq.
Bu barədə telekanalın idman direktoru Rövşən Binnətli "feysbuk" hesabında məlumat verib. Görəsən, matçların canlı yayınlanması nə vaxtdan başlayacaq? Bu sualı həmkarımız Rövşən Binnətliyə ünvanladıq.
O, "Football-plus.az"a açıqlamasında bunları dedi:
"Bəli, artıq premyer-liqanın oyunlarının yayınlanması barədə razılaşma əldə olunub. Artıq bu gün açılış matçı olan "Bernli" - "Mançester Siti" qarşılaşması da telekanalımız vasitəsilə canlı yayınlanacaq".
Rövşən bəy başqa "böyük beşlik" ölkələri çempionatlarının "İdman TV-də yayınlanmaq perspektivi haqda sual da belə cavab verdi:
"Başqa liqaların oyunlarının telekanalımızda yayınlanması barədə konkret nəsə deyə bilmərəm. Bunu zaman göstərəcək".
Qeyd edək ki, "Bernli" - "Mançester Siti" oyunu Bakı vaxtı ilə saat 23.00-da başlayacaq.
CAVİD ƏLİYEV
Digər xəbərlər
