Yan Zommer artıq “İnter”in oyunçusu sayılır.

"Football-plus.az" xəbər verir ki, İtaliya klubu “Bavariya”nın qapıçısının transferini rəsmiləşdirib. Milan klubu 34 yaşlı futbolçunun transferi üçün 6,75 milyon avro ödəyib. İsveçrəli oyunçu “İnter”lə üçillik müqavilə imzalayıb.

Zommer “Bavariya”da bu ilin yanvarından çıxış edirdi. O, ötən mövsüm münhenlilərin heyətində bütün turnirlərdə keçirdiyi 25 oyunda 31 top buraxıb və 8 matçda qapısını toxunulmaz saxlayıb. Daha əvvəl “Qrasshopper”, “Vaduts”, “Bazel” və Münhenqladbax “Borussiya”sının qapısını qoruyan Yan yeni komandasında “Mançester Yunayted”ə satılan Andre Onananın yerini tutacaq.