“Mançester Yunayted” komandadan azad agent kimi ayrılan David De Xeanın yerini tutacaq yeni qapıçı ilə bağlı məsələni yoluna qoyub.

"Footnall-plus.az" xəbər verir ki, İngiltərə klubu “İnter”in qapıçısı Andre Onananın transferini yaxın günlərdə açıqlayacaq.

“The Guardian” qəzetinin xəbərinə görə, tərəflər 27 yaşlı oyunçunun transferi ilə bağlı cümə günü bir daha danışıq aparıb və keçid razılaşdırılıb. Transferin 50 milyon avroya rəsmiləşəcəyi gözlənilir.

Onana “İnter”ə ötən yay “Ayaks”dan azad agent kimi keçib. Son mövsümdə milanlılarla İtaliya kuboku və superkubokunu qazanıb. Komandanın Çempionlar Liqasının finalına qədər irəliləməsində böyük rolu olub.