“İnter” qapıçı problemini yoluna qoyub. İtaliya klubu “Bavariya”nın qapıçısı Yan Zommerin transferini razılaşdırıb.

“Football-plus.az” xəbər verir ki, “La Gazzetta dello Sport”un məlumatına görə, Milan klubu 34 yaşlı qolkiperin transferi üçün 6 milyon avro ödəyəcək. İsveçrəli oyunçu “İnter”lə ikiillik müqavilə imzalayacaq.

Qeyd edək ki, Zommer ötən mövsüm “Bavariya”nın heyətində bundesliqada keçirdiyi 19 oyunda 25 qol buraxıb. O, yeni komandasında “Mançester Yunayted”ə satılan Andre Onananın yerini tutacaq.